27.05.2005
Stjórnsýsla - fréttir

Nokkrir punktar tengdir starfsemi bæjarins:

Fána Green Globe 21 verður flaggað í sveitarfélögum á Snæfellsnesi í sumar. Sveitarfélögin eru þátttakendur í verkefni og stefnumótun um sjálfbæra þróun og er verkefnið vottað af samtökunum Green Globe 21.

 

Mánudaginn 30. maí n.k. fara nemendur 9. bekkjar Grunnskóla Grundarfjarðar í vinabæjarheimsókn til Paimpol í Frakklandi og endurgjalda þar með heimsókn vina sinna sem heimsóttu Grundarfjörð fyrr í þessum mánuði. Fjölbreytt og glæsileg dagskrá heimsóknarinnar er birt á vef grunnskólans.

 

Sumarstörfin eru hafin og hafa aldrei farið jafn snemma af stað. Starfsmenn áhaldahúss, sumarfólkið okkar, hefur verið í því að snyrta og fegra bæinn. Nær allri málningarvinnu er lokið. Grundargata verður gerð að ,,hverfisvænni leið" nú í sumar, steyptar verða gangstéttar og ýmislegt fleira gert til að reyna að fegra umhverfið og bæta aðstöðu íbúa og ferðamanna.

Aftur í fréttayfirlit