05.11.2007
Stjórnsýsla - fréttir

Íbúð nr. 4 í Hrannarstíg 18 er laus til umsóknar.  Íbúðin er 57,5 fermetrar að stærð. Í Hrannarstíg 18 eru átta íbúðir fyrir eldri borgara og eru gerðir um þær „leigusamningar með hlutareign“.  Greiða þarf búseturéttargjald sem getur verið á bilinu 10 - 20% af kostnaðarverði íbúðarinnar framreiknuðu með Byggingavísitölu.  Leiguverð ræðst af hlutfalli hlutareignar/búseturéttargjaldi sem viðkomandi greiðir. Húsnæðið Hrannarstígur 18 er sambyggt Dvalarheimilinu Fellaskjóli og er innangengt þar á milli.

 

Um leigu íbúðarinnar gilda reglur Grundarfjarðarbæjar um úthlutun íbúða fyrir eldri borgara.  Reglur þessar kveða á um tekju- og eignamörk og aðrar aðstæður umsækjanda sem koma til mats við úthlutun íbúða í Hrannarstíg 18.  Um úthlutun leiguíbúða, tekju- og eignamörk og aðra þætti sem koma til mats við úthlutun íbúðanna gildir einnig reglugerð nr. 873/2001.

 

Á eftirfarandi vefslóð er unnt að skoða úthlutunarreglur Grundarfjarðarbæjar

http://www.grundarfjordur.is/default.asp?sid_id=11448&tId=1  Reglurnar er einnig unnt að fá útprentaðar á skrifstofu Grundarfjarðarbæjar að Grundargötu 30.

 

Helstu gögn sem þurfa að fylgja umsókn eru:

  • Staðfest afrit af skattframtali síðasta árs og launaseðlar fyrir síðustu þrjá mánuði. 
  • Vottorð um lögheimili, búsetu og fjölskyldustærð.
  • Vottorð um heilsufar/veikindi og/eða örorku ef slíkt er fyrir hendi.
  • Hafi umsækjandi keypt eða selt fasteign á árinu þarf afrit af kaupsamningi að fylgja með.
  • Vottorð um ástand núverandi húsnæðis umsækjanda ef það er á einhvern hátt heilsuspillandi eða óhentugt.

 

Stefnt er að því að íbúðin verði laus til afhendingar 1. desember n.k. eða eins fljótt og við verður komið eftir þann dag.  Umsóknarfrestur er til og með 19. nóvember 2007.  Umsóknum skal skilað til skrifstofu Grundarfjarðarbæjar að Grundargötu 30.

 

Umsókn er unnt að senda rafrænt með því að fylla út eyðublað á slóðinni:  http://www.grundarfjordur.is/default.asp?Sid_Id=29008&tId=11  Eyðublaðið finnst með því að fara inn á heimasíðu Grundarfjarðarbæjar og smella á „stjórnsýslu“ og þar vinstra megin er hnappur sem kallar fram eyðublaðið.

 

Bæjarráð Grundarfjarðarbæjar úthlutar íbúðinni eftir mat á umsóknum.

 

Nánari upplýsingar veitir bæjarstjóri á skrifstofu Grundarfjarðarbæjar eða í síma 430-8500. Einnig má senda fyrirspurnir á tölvupóstfangið; baejarstjori@grundarfjordur.is

 

Bæjarstjóri Grundarfjarðarbæjar 

Aftur í fréttayfirlit