Arkitektúr og skipulag - Kynning

Opið hús verður í Samkomuhúsi Grundarfjarðarbæjar miðvikudaginn þann 7. desember nk. þar sem nemendur á þriðja ári í landslagsarkitektúr kynna hugmyndir sínar að framtíðarskipulagi í Grundarfirði.

Sjá hér viðburð á Facebook

Haustið 2022 komu nemendur úr áfanganum arkitektúr og skipulag, sem kenndur er við Landbúnaðarháskóla Íslands, í vettvangsferð í Grundarfjörð og áttu fund með Björgu Ágústsdóttur bæjarstjóra og Kristínu Þorleifsdóttur, skipulagsfulltrúa. 

Á námskeiðinu unnu nemendur með raunveruleg dæmi og fengu að kynnast skipulagi bæjarins, helstu kostum og áskorunum. Þau unnu svo raunhæfar hugmyndir að skipulagi með tilliti til samspil bygginga, fagur- og formfræði, atferli og rýmis í bænum.

[...] Á námskeiðinu rýna nemendur í gerð og gæði deiliskipulaga og skopa tengsl við aðrar áætlanir og næsta umhverfi. Einnig er fjallað um vistvænar og sjálfbærar lausnir í skipulagi. Þá er áhersla lögð á tengsl veðurfars og náttúrugrunnlagsins við skipulag og hönnun. [...]

Nú er komið að því að nemendur kynni verkefnin sín og verða þau til kynningar og sýnis í Samkomuhúsi Grundarfjarðarbæjar, miðvikudaginn 7. desember kl. 12. 

Áhugavert verður að sjá hvaða sýn nemendur hafa á bæinn.

Allir velkomnir.