Aðalfundur 2005

Aðalfundur Eyrbyggja 24. nóvember 2005  kl 12:00 á Classic Sport, Ármúla 5, Reykjavík.

1. Skýrsla stjórnar

Bjarni Júlíusson (formaður) fór yfir störf stjórnar á liðnu ári.  

Helstu verkefni stjórnar voru útgáfa 6. bindis af ritröðinni Fólkið, fjöllin, fjörðurinn ásamt undirbúningi að 7. bindi.  Auk þessa tók félagið þátt í samstarfsverkefni um gerð korts sem stendur við Kolgrafarfjarðarbrú.

2. Ársreikningur

Gjaldkeri félagsins, Áshildur Elva Kristjánsdóttir, lagði fram ársreikninga félagsins og voru þeir samþykktir athugasemdalaust.

3. Lagabreytingar

Formaður bar upp áður auglýstar lagabreytingartillögur.

3.1 Tillaga að breytingu á 4 gr. laga

"4. gr. - Stjórn samtakanna skipa sjö menn er skulu kosnir úr hópi félagsmanna til tveggja ára í senn, en þó skal kosið um þrjá stjórnarmenn á hverju ári.  Stjórnin skiptir sjálf með sér verkum.  engum er heimilt að sitja samfellt í stjórn lengur en þrjú kjörtímabil, þe. 6 ár.  Tvo skoðunarmenn reikninga skal kjósa árlega."

verður

"4. gr. - Stjórn samtakanna skipa sjö menn er skulu kosnir úr hópi félagsmanna til tveggja ára í senn, en þó skal kosið um þrjá stjórnarmenn, varamann og formann á hverju ári.  Stjórnin skiptir sjálf með sér verkum.  Tvo skoðunarmenn skal kjósa árlega."

Tillagan var samþykkt.

3.2 Tillaga að breytingu á 7. gr. laga

"7. gr. - Aðalfund skal halda fyrir lok ágústmánaðar ár hvert.  Takist ekki að ljúka aðalfundarstörfum á einum fundi, skal boða til framhaldsaðalfundar."

verður

"7. gr. - Aðalfund skal halda fyrir lok febrúarmánaðar ár hvert.  Takist ekki að ljúka aðalfundarstörfum á einum fundi, skal boða til framhaldsaðalfundar."

Tillagan var samþykkt.

4. Ályktanir

Engar ályktanir voru gerðar.

5. Stjórnarkjör

Úr stjórn gengu Bjarni Júlíusson og Hrafnhildur Pálsdóttir.  Í þeirra stað koma Benedikt Gunnar Ívarsson og Bergþóra Sigurðardóttir.  Formaður var kjörinn Hermann Jóhannesson.  Varamaður í stjórn var kjörinn Atli Már Ingólfsson.  Að öðru leyti mun stjórn skipta með sér verkum á næsta stjórnarfundi.

Nýja stjórn skipa:

Ásthildur Elva Kristjánsdóttir

Benedikt Gunnar Ívarsson

Bergþóra Sigurðardóttir

Orri Árnason

Guðlaugur Þór Pálsson

Hafdís Gísladóttir

Hermann Jóhannesson (Formaður)

Atli Már Ingólfsson (Varamaður)

6. Endurskoðendur

Hildur Mósesdóttir og Friðbjörg Matthíasdóttir voru kjörnar skoðunarmenn félagsins.

7. Önnur mál.

Fráfarandi stjórnarmenn kvöddu með söknuði og þökkuðu fyrir ánægjulegt samstarf liðinna ára.  Fundarmenn þökkuðu þeim fyrir vel unnin störf með lófaklappi.

Í lok fundar voru sýndar gamlar myndir frá mannlífinu í Grundarfirði.

Fundi slitið kl. 21.

Fundarstjóri:  Sólrún Elísdóttir.