Fréttir & tilkynningar

Um sjötíu manns mættu á íbúafund sem haldinn var í gærkvöld.  Á fundinum var aðallega fjallað um fjárhagsstöðu bæjarins og meginstefnu í fjárhagsáætlun fyrir næsta ár.  Fram kom að verða þarf viðsnúningur í rekstri um allt að 50 milljónir.  Þrátt fyrir erfiða stöðu töldu forsvarsmenn bæjarins mögulegt að ná góðum árangri en ljóst sé að draga þurfi verulega saman seglin.   Bæjarfulltrúar D-lista lögðu áherslu á að minni- og meirihluti starfi saman sem einn maður að því verkefni að bæta fjárhagsstöðu bæjarins.  Þá voru kynnt áform um áframhaldandi samstarf við íbúa.  

Kjörskrá vegna kosninga til stjórnlagaþings hinn 27. nóvember 2010, verður lögð fram 17. nóvember 2010.   Kjörskráin mun liggja frammi til skoðunar á bæjarskrifstofu Grundarfjarðar á opnunartíma skrifstofunnar  mánudaga - fimmtudaga frá kl. 09.30 - 15.30 og föstudaga frá kl. 09:30 – 14:00.   Bæjarstjórinn í Grundarfirði  

Guðrún Guðmundsdóttir, augnlæknir, verður með móttöku á HVE Grundarfirði, fimmtudaginn 2. desember nk. Tekið er á móti tímapöntunum á Heilbrigðisstofnun Vesturlands, Grundarfirði í síma: 430-6800.

Ræðukeppnin fer fram á degi íslenskrar tungu 16. nóbember 2010 í íþróttahúsinu kl. 11.10. Tveir fulltrúar úr 5.-7. bekk keppa í fyrri hluta og í síðari hluta tveir fulltrúar úr 8.-10. bekk. Ræðuefnið að þessu sinni er „Draumaskólinn“ Sögumaðurinn góðkunni, Ingi Hans Jónsson, kemur í heimsókn til okkar í tilefni dagsins og segir okkur skemmtilega sögu. Foreldrar og aðrir gestir velkomnir. Aðatoðarskólastjóri  

  Frá vinstri: Kristín, Hulda, Lauga, Guðmunda, Auður, Hildur, Hanne, Eygló,Kristín og Nína.   Hugur og hönd starfa saman. Rauði krossinn þakkar enn á ný sínu frábæra handverksfólki sem lagði á sig mikla vinnu við að útbúa fatnað í ungbarnapakkana. Handverkshópurinn í Grundarfirði hittist nú í haust á föstudögum og vann ötulega við að sauma, prjóna og breyta eldri flíkum í nýjar.

Aðalfundur sjálfseignarstofnunar um Eyrbyggju – Sögumiðstöð verður haldinn fimmtud. 18. nóvember 2010 kl. 20 í Sögumiðstöðinni. Á dagskrá eru venjuleg aðalfundarstörf, skýrsla stjórnar og ársreikningar, umræða um rekstur og starfsemina framundan, stjórnarkjör og önnur mál.   Stofnaðilar og allir áhugasamir eru hvattir til að mæta!  Stjórn sjálfseignarstofnunar um Eyrbyggju – Sögumiðstöð  

Nýafstaðnir Rökkurdagar í Grundarfirði heppnuðust vel. Ágætis mæting var á flesta viðburði og virtist almenn ánægja með fjölbreytta og spennandi dagskrá.Mikið úrval var af ýmsum menningarviðburðum en að þessu sinni bar mikið á tónlist, kvikmyndum og listasýningum. Heimamenn létur til sín taka í skipulagninu viðburða en einnig komu góðir gestir að. Menningar-og tómstundarnefnd Grundarfjarðarbæjar vill þakka öllum þeim sem komu að Rökkurdögum kærlega fyrir.  

Nú hefur verið stofnuð síða á Facebook fyrir Grundarfjarðarbæ þar sem verða auglýstir viðburðir og annað sem bærinn vill koma á framfæri. Komin er tengill inn á heimasíðu bæjarins þar sem hægt er að fara inn á síðuna og „líka við“ hana þá færðu fréttir af því sem sett er inn á síðuna hverju sinni. Vonumst við til að flestir nýti sér þetta skemmtilega framtak okkar hér og geti fylgst enn betur með því sem er að gerast hér í bæjarfélaginu okkar.

Menningarráð Vesturlands auglýsir eftir umsóknum um styrki vegna starfsársins 2011. Áherslur Menningarráðs vegna styrkveitinga eru eftirfarandi  

Kvikmyndaklúbburinn Kveldúlfur fundar á Kaffi 59, fimmtudaginn 11. nóvember klukkan 21:00. Efni fundar er kvikmyndin Highlander frá árinu 1986, sem skartar þeim Cristopher Lambert, Sean Connery og ekki má gleyma honum Clancy Brown. Hálendingurinn Connor MacLeod áttar sig á því einn daginn að hann er ódauðlegur. Sú uppgötvun dregur skiljanlega dilk á eftir sér. Internet Movie Database gefur myndinni 7,2 í einkunn. Enginn aðgangseyrir og tilboð á krana.