Skólanefnd - 174
1. Skólastjóri og Gunnþór kynntu skýrslu leikskólans um innra mat, sem nú liggur fyrir. Unnið er í samræmi við gæðaviðmið í skólastarfi sbr. nýja menntastefnu Grundarfjarðarbæjar sem samþykkt var 2023. Leikskólinn hefur þó unnið með þessi viðmið síðastliðin 2 ár, með stuðningi Ásgarðs.
Að því loknu vék Gunnþór af fundi.
2. Tekin var til umræðu annars vegar framlögð tillaga um skóladagatal leikskólans.
Auk þess tillaga um lokun leikskóla kl. 14:00 á föstudögum og fylgdu útreikningar leikskólastjóra á vinnustundafjölda starfsmanna skv. kjarasamningum, annarsvegar skv. gildandi kjarasamningum og hinsvegar skv. fyrirliggjandi ósamþykktum samningstillögum milli BSRB og Sambands íslenskra sveitarfélaga, sem gerir ráð fyrir að vinnuvika verði 36 virkar vinnustundir fyrir 100% starf, en á samningaborði Sambandsins og Starfsgreinasambandsins er sambærileg tillaga.
Mikil umræða varð, einkum um tillögu um lokun á föstudögum, um leiðir sem önnur sveitarfélög hafa farið til að mæta áskorunum á leikskólastiginu og um þarfir allra aðila í skólasamfélaginu.
Skólanefnd ákvað að fresta umræðu og afgreiðslu á þessum lið. Boðað var til framhaldsfundar miðvikudaginn 26. júní.
Hér viku gestir af fundinum og var þeim þakkað fyrir umræður og innlegg.
---
Eftirfarandi er bókun skólanefndar af framhaldandi fundi sínum, sem haldinn var þann 26. júní 2024 kl. 17:00 og lauk kl. 19:00, auk þess sem nefndin vísar í framlagða tillögu sína til bæjarráðs:
Undanfarin ár hefur leikskólastigið staðið frammi fyrir vanda sem felst í sér fækkun á faglærðu starfsfólki, erfiðleikum við að manna stöður og aukinni starfsmannaveltu. Vinnuumhverfið hefur breyst hratt, með þörf fyrir viðbótarmönnun vegna aukinna orlofsréttinda allra starfsmanna (30 daga orlof á ári), styttingu vinnuvikunnar, auknum undirbúningstíma í leikskólum o.fl. Þessi vandi er útbreiddur um allt land og hefur sannarlega komið niður á starfsemi leikskólastigsins og orðið til þess að þyngja allt starf hans.
Ljóst er að skólanefnd Grundarfjarðarbæjar þarf og vill mæta þessum áskorunum leikskólastigsins með vel ígrunduðum aðgerðum og í takt við það sem önnur sveitarfélög hafa verið að grípa til á síðustu mánuðum og misserum.
Í upphafi þessa árs lét skólanefnd gera könnun meðal foreldra leikskólabarna, þar sem könnuð var afstaða foreldra til styttingar starfstíma á Sólvöllum. Spurt var um tiltekna valkosti og hvernig þeir hentuðu fjölskyldum. Skólanefnd vildi hafa þau sjónarmið til hliðsjónar, auk samtals við leikskólastjórnendur, við umfjöllun um starfstíma leikskólans og afgreiðslu skóladagatals.
Þess ber einnig að geta að í gær, þann 25. júní, var samþykktur fyrrnefndur kjarasamningur BSRB og Sambands íslenskra sveitarfélaga, sem felur m.a. í sér að frá og með 1. nóvember nk. verður gert ráð fyrir 36 virkum vinnustundum starfsfólks (Kjölur) m.v. 100% starfshlutfall.
Skólanefnd hefur farið yfir framlagðar tillögur, en leggur meðfylgjandi tillögu fyrir bæjarráð. Með henni vonast skólanefnd til að hægt sé að vinna að breytingum, í skrefum, leikskólastiginu til hagsbóta. Með tillögunni telst skóladagatal samþykkt, þó með fyrirvara um breytingu á haustfríi skv. framlagðri tillögu.
Samþykkt samhljóða.
Bókun fundar
Umfjöllun bæjarráðs um þennan lið á fundi skólanefndar:
Bæjarráð bauð gestum inná fund bæjarráðs undir þessum lið, þeim Margréti Sif Sævarsdóttur leikskólastjóra og Sigurborgu Kn. Ólafsdóttur, sem sat fund skólanefndar sem fulltrúi starfsfólks Leikskólans Sólvalla, sbr. einnig erindi hennar undir dagskrárlið nr. 7.
Farið var yfir það atriði sem snýr að skóladagatali leikskólans og starfstíma, en stjórnendur leikskólans höfðu lagt til ákveðna tillögu fyrir fund skólanefndar.
Leikskólastjóri og fulltrúi kennara gerðu athugasemdir við störf skólanefndar vegna umræðu um skóladagatal og tillögu leikskólans, og var það rætt á fundinum.
Var þeim kynnt tillaga og afgreiðsla skólanefndar, sem nú liggur fyrir með 174. fundargerð nefndarinnar og farið yfir efni tillögunnar.
Tillagan er í megindráttum eins og tillaga leikskólastjórnenda, fyrir utan nálgun um opnunartíma á föstudögum. Auk þess leggur skólanefnd til að dvalartími 12-16 mánaða barna verði að hámarki 6 dvalarstundir, þó með nánari útfærslu skólastjórnenda. Sjá nánar tillöguna undir fundargerð skólanefndar.
Að loknum góðum umræðum var gestunum þakkað fyrir komuna á fundinn.
Bæjarráð samþykkir samhljóða tillögu skólanefndar um skóladagatal og starfstíma, sbr. framlagt skjal/tillögu nefndarinnar.
Fyrirkomulagið taki gildi 1. nóvember nk., samhliða breyttum forsendum sem felast í nýjum kjarasamningum, sem ná mun til meirihluta starfsmanna í leikskólanum, og gerir ráð fyrir 36 virkum vinnustundum á viku hjá þeim sem eru í 100% starfi.
Fyrirkomulagið skv. tillögunni, einkum hvað varðar starfstíma á föstudögum, verði kynnt fyrir foreldrum og staðan síðan metin.
Bæjarráð samþykkti samhljóða að bæta við fundinn tveimur dagskrárliðum, annars vegar fundargerð 174. fundar skólanefndar, eins og áformað var í fundarboði, og verður nr. 6 í dagskránni.
Auk þess erindi sem barst í morgun, frá Sigurborgu Knarran Ólafsdóttur, sem verður dagskrárliður nr. 7. Aðrir dagskrárliðir færast aftur sem þessu nemur.
Margrét Sif Sævarsdóttir leikskólastjóri og Sigurborg Kn. Ólafsdóttir, fulltrúi starfsfólks á skólanefndarfundum, sátu fundinn sem gestir undir dagskrárlið 6.1.