Gjaldskrár 2024

Umræða um þörf fyrir gjaldskrárhækkanir í samhengi við kostnaðarhækkanir ársins 2022 og 2023 og áætlaða breytingu árið 2024.

Vísað til næsta fundar bæjarráðs.

Farið yfir þjónustugjaldskrár, samanburð og yfirlit. Þjónustugjaldskrár fyrir árið 2024 samþykktar og tillögum vísað til afgreiðslu í bæjarstjórn. Nokkrar tillögur eru áfram til skoðunar.

Samþykkt samhljóða.

Farið yfir þjónustugjaldskrár, samanburð og yfirlit. Þjónustugjaldskrár fyrir árið 2024 samþykktar og tillögum vísað til afgreiðslu í bæjarstjórn.

Samþykkt samhljóða.

Bæjarstjórn samþykkir fyrirliggjandi þjónustugjaldskrár fyrir árið 2024, að undanskildum sorpgjöldum sem verða nánar rýnd í bæjarráði og síðan afgreidd við aðra umræðu um fjárhagsáætlun.

Samþykkt samhljóða.

Farið yfir drög að gjaldskrá vegna sorpgjalda.

Drög að gjaldskrá samþykkt samhljóða með áorðnum breytingum.

Lagt til að tekið verði upp það fyrirkomulag að sveitarfélagið sjái um að láta hreinsa reglulega rotþrær í dreifbýli og að lagt verði hreinsigjald á fasteignir í dreifbýli.

Tillögur að gjaldskrá vegna sorpgjalda og hreinsigjalds fráveitu samþykktar samhljóða.

Allir tóku til máls.

Framlagðar breytingartillögur samþykktar samhljóða.

Bæjarstjórn samþykkir framlagða tillögu, sem felur í sér orðalagsbreytingar og lagfæringu á lagatilvísunum í gjaldskrá um fráveitu.

Samþykkt samhljóða.

Bæjarráð leggur til við bæjarstjórn að tekinn verði nýr liður inn í Gjaldskrá fyrir afnot af aðstöðu í húsnæði Grundarfjarðarbæjar, vegna Grundargötu 35, og verði til að byrja með 10.000 kr. fyrir sýningahald í sal m.v. 2 vikur.

Bæjarráð leggur til við bæjarstjórn að gjaldskrá vegna leikskóla og heilsdagsskóla lækki í samræmi við vilyrði sem gefið var í tengslum við yfirstandandi kjaraviðræður, að því gefnu að kjarasamningar við opinbera aðila verði á svipuðum nótum og aðrir kjarasamningar sem samþykktir hafa verið á almennum markaði.

Bæjarstjóra og skrifstofustjóra falið að stilla upp tillögu í samræmi við umræður á fundinum fyrir næsta fund bæjarstjórnar.

Samþykkt samhljóða.

Lagt til að dvalargjöld í leikskóla og heilsdagsskóla lækki frá gjaldskrá ársins, þannig að hækkun gjaldskráa frá árinu 2023 verði 3,5%, en ekki 7,5% eins og ákveðið var við gerð fjárhagsáætlunar í lok síðasta árs. Gjaldskrárbreytingar taki gildi 1. ágúst nk.

Komi til breytts fyrirkomulags þjónustu í leik- eða heilsdagsskóla verður gjaldskrá endurskoðuð af bæjarráði.

Gjald fyrir sumarnámskeið barna og kofasmiðju hefur þegar verið auglýst. Verð frá síðasta ári haldast óbreytt í ár.

Samþykkt samhljóða.

Rætt um breytingu á gjaldskrá í tengslum við tillögu skólanefndar.

Bæjarstjóra falið að undirbúa tillögu um gjaldskrárbreytingu og leggja fyrir annan fund í bæjarráði, sem haldinn verði fljótlega.

1. Gjaldskrá leikskóla

Á fundi skólanefndar 24. júní sl. var samþykkt skóladagatal/tillaga sem gerir ráð fyrir fleiri lokunardögum í leikskóla, í átt að skóladagatali grunnskóla, auk þess sem gert er ráð fyrir sérstakri skráningu í dvalartíma frá 14-16 á föstudögum.
Á fundi bæjarráðs þann 27. júní sl. var samþykkt að vegna þessara breytinga yrði lögð fram tillaga um breytingu á gjaldskrá.

Samkvæmt gjaldskrá fyrir leikskólann (breyting sem taka á gildi 1. ágúst nk.) er gjald fyrir 8 dvalarstundir á dag (40 dvalarstundir á viku) nú 36.714 kr. á mánuði.
Lagt er til að gjaldið verði 33.854 kr. fyrir 38 klst. dvöl, þ.e. 8 dvalarstundir mánudaga til fimmtudaga, en 6 dvalarstundir á föstudögum.
Í samræmi við samþykkt skólanefndar og bæjarráðs á síðasta fundi, verði börn ekki sjálfkrafa skráð með dvalartíma eftir klukkan 14 á föstudögum en ef foreldrar þurfa að nýta þá þjónustu, skrái þeir barnið í dvöl og greiði sérstaklega fyrir hana. Skólastjórnendur útfæri nánar.
Lagt er til að mánaðargjald verði 37.417 kr. fyrir 40 dvalarstundir á viku, þ.e. með skráningartíma 14-16 á föstudögum.

Breytingin taki gildi 1. nóvember nk.

Samþykkt samhljóða.


2. Gjaldskrá fyrir afnot af aðstöðu í húsnæði Grundarfjarðarbæjar (samkomuhús)

Lögð fram tillaga um að bætt verði við gjaldskrá samkomuhúss heimild til gjaldtöku vegna almenningssalerna, en unnið er að uppsetningu gjaldhliðs í samkomuhúsinu. Lagt til að gjald fyrir aðgang að almenningssalerni verði 200 kr. Ennfremur lagt til að heimild verði í gjaldskrá til að veita magnafslátt (prentaðir aðgöngumiðar) vegna stórra hópa (rútur).

Samþykkt samhljóða.


3. "Lóðir og lendur", gjald vegna tímabundinnar leigu lands.

Lögð fram tillaga um að bætt verði við gjaldskrár Grundarfjarðarbæjar fermetragjaldi vegna tímabundinnar leigu á landi bæjarins, öðru en lóðarleigu, s.s. vegna tímabundinna afnotasamninga um afnot af landi í atvinnuskyni.
Gjaldið verði 50 kr./m2 á mánuði og gildi þegar gerðir eru tímabundnir samningar um afnot af landi bæjarins.

Til samanburðar:
Í gildi er í gjaldskrá Grundarfjarðarhafnar (12. gr.) mánaðargjald, 160 kr./m2, fyrir leigu á gámasvæði Grundarfjarðarhafnar. Mánaðargjald á afgirtu geymslusvæði Grundarfjarðar við Hjallatún er 80 kr./m2 fyrir 0-25 m2 svæði, 75 kr./m2 fyrir 26-50 m2 svæði og 70 kr./m2 fyrir svæði stærri en 50 m2.

Samþykkt samhljóða.

Fyrir liggur ákvörðun bæjarstjórnar og bæjarráðs um að nemendur Grunnskóla Grundarfjarðar eigi kost á gjaldfrjálsum hádegisverði frá og með byrjun skólaársins 2024-2025.

Fyrr í sumar samþykkti Alþingi frumvarp innviðaráðherra um breytingu á lögum um tekjustofna sveitarfélaga sem heimilar Jöfnunarsjóði sveitarfélaga að greiða framlög til sveitarfélaga sem bjóða upp á skólamáltíðir.

Gjaldfrjálsar skólamáltíðir eru liður í aðgerðum stjórnvalda til að styðja við nýgerða langtímakjarasamninga á vinnumarkaði og leggja grundvöll að bættum lífskjörum og kaupmætti launafólks.

Fyrir fundinum liggur tölvupóstur Sambands íslenskra sveitarfélaga sem og yfirlit um aðkomu Jöfnunarsjóðs að verkefninu fyrir þau sveitarfélög sem taka þátt. Í tölvupósti Sambandsins kemur fram að um er að ræða gjaldfrjálsan hádegisverð.

Viðbótarkostnaði sem af verkefninu hlýst fyrir Grundarfjarðarbæ er vísað til viðauka við fjárhagsáætlun.

Bæjarráð áréttar fyrri ákvörðun um að veita nemendum Grunnskóla Grundarfjarðar gjaldfrjálsan hádegisverð. Áfram verður boðið upp á gjaldfrjálsan hafragraut í grunnskólanum að morgni dags.

Samþykkt samhljóða.