Skipulags- og umhverfisnefnd

Til umræðu var vinna við endurskoðun deiliskipulags iðnaðarsvæðisins vestan Kvernár og tilheyrandi breyting á Aðalskipulagi Grundarfjarðar 2019-2039, m.s.br.



Halldóra Hreggviðsdóttir og Þóra Kjarval skipulagsráðgjafar hjá Alta voru gestir fundarins gegnum fjarfund undir þessum lið.



Endurskoðun deiliskipulags:



Vinnslutillaga deiliskipulags fyrir svæðið var auglýst þann 10. júní til 1. júlí 2024, skv. 40. gr. skipulagslaga nr. 123/2010. Opið hús var haldið þann 20. júní sl. vegna tillögunnar.



Fyrir fundinn voru lagðar fram til umræðu þær umsagnir og athugasemdir sem bárust við kynnta tillögu, en þær eru frá eftirtöldum aðilum:



Umsagnir: Umhverfisstofnun, Vegagerðin, Landsnet, Slökkvilið Grundarfjarðar, Heilbrigðiseftirlit Vesturlands og Minjastofnun.

Athugasemdir: Land lögmenn f.h. eigenda Innri Grafar og Grafar 3.





Aðalskipulagsbreyting:



Tillaga að breytingu á aðalskipulagi var kynnt á vinnslustigi frá 28. febrúar til 20. mars 2024, skv. 30. gr. skipulagslaga nr. 123/2010. Umsagnir bárust sem voru hafðar til hliðsjónar við gerð endanlegrar tillögu um breytingu aðalskipulags vegna iðnaðarsvæðisins, sem afgreidd var á 258. fundi skipulags- og umhverfisnefndar þann 22. maí sl.

Skipulagsstofnun hefur nú lokið yfirferð á lokatillögu að breytingu á aðalskipulagi, skv. 30. gr. skipulagslaga nr. 123/2010, sbr. bréf dags. 11. júlí 2024, sem liggur fyrir fundinum, og fer tillagan nú í auglýsingu.



Nánar um báðar tilllögurnar vísast til kynningargagna.

Til umræðu var vinna við endurskoðun deiliskipulags Ölkeldudals (staða vinnu við vinnslutillögu) og tilheyrandi breyting á Aðalskipulagi Grundarfjarðar 2019-2039, m.s.br.



Halldóra Hreggviðsdóttir og Þóra Kjarval skipulagsráðgjafar hjá Alta voru gestir fundarins undir þessum lið gegnum fjarfund.

Olíudreifing hefur óskað eftir framtíðaraðstöðu á norðurhluta hafnarsvæðis Grundarfjarðarhafnar.



Nú liggur fyrir staðfesting Skipulagsstofnunar á endurskoðuðu deiliskipulagi fyrir þann hluta hafnarsvæðisins.

Skipulagsstofnun hefur lokið yfirferð og staðfest nýtt deiliskipulag fyrir hafnarsvæði norður og eru lok málsins staðfest í Skipulagsgátt.

Sótt er um byggingarleyfi/byggingarheimild fyrir stækkun til suðurs á bílskúr að Fagurhóli 10.



Á 9. afgreiðslufundi byggingarfulltrúa, þann 12. ágúst sl., vísaði byggingarfulltrúi málinu til skipulags- og umhverfisnefndar þar sem ekki er til deiliskipulag fyrir svæðið.



Umsókninni fylgdu áritanir/samþykki eigenda nágrannahúsa að Fagurhóli 3, 5 og 8a, fyrir umræddum áformum.

Fjölbrautaskóli Snæfellinga sækir um byggingarleyfi vegna uppsetningar skiltis, austanvert við hús skólans að Grundargötu 44. Skiltið á að segja sögu skólans og lóðarinnar sem húsið er byggt á.



Skipulagsfulltrúi sagði frá samtölum við umsækjanda og nágranna um málið.

Hér vék Signý af fundi.



Tekið fyrir erindi frá Sigurbjarti Loftssyni merkjalýsanda, fyrir hönd landeiganda Suður-Bárar, um uppskiptingu lands þannig að úr landi Suður-Bárar, landnúmer L136658, verði til 23,19 hektara land sem fái heitið "Suður-Bár Golfvallarland".



Óskað er eftir samþykki sveitarstjórnar fyrir uppskiptingunni skv. 1. mgr. 48. gr. skipulagslaga nr. 123/2010 m.s.br.



Ekki er til deiliskipulag fyrir svæðið, en í Aðalskipulagi Grundarfjarðar 2019-2039 er umrætt land golfvallar skilgreint innan landnotkunarreitsins ÍÞ-6 (íþróttasvæði).

Leyfishafi tilkynnti með tölvupósti til skipulagsfulltrúa, dagsettum 27. júní sl., um breytta staðsetningu sumarhúsa. Nýr afstöðuuppdráttur hefur ekki borist.

Þann 9. júlí sl. lauk Skipulagsstofnun yfirferð og staðfesti breytingu aðalskipulags vegna fremsta hluta Framness (breytt landnotkun, VÞ-3) og hluta hafnarsvæðis (stækkun og breyting).

Lagðar fram til kynningar og umræðu, tillögur og hugmyndir að leiðum til að bæta umferðaröryggi við grunnskóla og íþróttahús.

Farið yfir stöðuna á framkvæmdum á vegum bæjarins, einkum umhverfisframkvæmdum (götur og opin svæði), bæði þeim sem eru yfirstandandi og þeim sem eru framundan.

Lionsklúbbur Grundarfjarðar hefur óskað eftir að fá að setja niður um 600 trjáplöntur, sem klúbburinn hefur fengið að gjöf, á hentugum stað í landi bæjarins í haust.