Bæjarráð

Skv. fyrra yfirlitinu, janúar-ágúst, hefur greitt útsvar hækkað um 3,1% miðað við sama tímabil í fyrra og skv. hinu síðara, janúar-september, er hækkunin 3,9%.

Útgreidd laun í janúar til ágúst eru undir launaáætlun tímabilsins, en hafa verður fyrirvara á því að enn er ósamið við mörg stéttarfélög.

Rekstur er í samræmi við áætlun fyrstu sex mánuði ársins.

Bæjarráð leggur til við bæjarstjórn að álagningarprósenta verði óbreytt frá fyrra ári eða 14,97%.

Samþykkt samhljóða.

Bráðabirgðaálagning fasteignagjalda fyrir árið 2025 kynnt. Farið yfir forsendur og breytingu milli ára.

Vísað til næsta fundar bæjarráðs.

Farið yfir þjónustugjaldskrár og samanburð.

Rætt um breytingar á þjónustugjaldskrám.

Vísað til næsta fundar bæjarráðs.

Farið yfir lista yfir framlagðar styrkumsóknir.

Vísað til næsta fundar bæjarráðs.

Rætt um fjárhagsáætlunarvinnu framundan, minnisblað um forsendur fjárhagsáætlana sveitarfélaga og drög að fundadagskrá bæjarráðs.

Bæjarráð samþykkir samhljóða endurskoðaða fundadagskrá vegna fjárhagsáætlunarvinnunnar framundan.

Bæjarstjóri gerði grein fyrir málinu.

Ein umsókn barst um starf leikskólastjóra, en uppfyllti ekki skilyrði fyrir ráðningu.

Bæjarstjóri leggur til að Heiðdís Lind Kristinsdóttir, sem verið hefur aðstoðarleikskólastjóri, verði ráðin til eins árs.

Samþykkt samhljóða.

Bæjarráð samþykkir 80% viðbótarstöðugildi frá október 2024 til vors 2025.

Samþykkt samhljóða.

Sigurður Valur Ásbjarnarson, skipulagsfulltrúi, og Ólafur Ólafsson, íþrótta- og tómstundafulltrúi, sátu fundinn undir þessum lið.

Rætt um framkvæmdir í kjallara íþróttahúss, gatnaframkvæmdir og framkvæmdir í Sögumiðstöðinni. Jafnframt rætt um þörf á hönnun kerfismynda vegna verkefna sem krefjast viðbótarorku, í tengslum við orkuskipti íþrótta- og skólamannvirkja.

ÁE vék af fundi undir umræðu um framkvæmdir í kjallara þróttahúss og tók aftur sæti sitt á fundinum eftir þá umræðu.

Lagt til að unnar verði kerfismyndir fyrir orkufrek framtíðarverkefni, s.s. sundlaugarrennibraut, tengingu rafmagns fyrir tjaldsvæði og rafmagnshleðslustöðvar við íþróttahús, þannig að útfærslur og kostnaður séu þekkt.

Samþykkt samhljóða.

Fram kemur í erindinu að Vegagerðin, sem veghaldari þjóðvega, hyggist fella veginn af vegaskrá, en hann telst héraðsvegur. Þar sem enginn hafi nú lengur lögheimili eða fasta búsetu að Hömrum uppfylli vegurinn ekki lengur skilyrði til að teljast þjóðvegur.

Bæjarráð áréttar þann skilning sinn við Vegagerðina, að verði breytingar á búsetu þá verði þessi ákvörðun endurskoðuð.

Á fundi bæjarstjórnar í næstu viku verður gengið frá umboðum vegna þátttöku bæjarfulltrúa á þinginu.

Bæjarstjóri mun sækja fundinn f.h. bæjarins.

Rætt um verkefni sem sækja megi um í sjóðinn.