Sorpútboð 2023-2024 - niðurstöður og samningsmál

Lögð fram til kynningar opnunarskýrsla vegna útboðs sorpmála hjá Grundarfjarðarbæ og Snæfellsbæ, en opnun fór fram þann 24. janúar 2024.



Málið er í vinnslu.

Þrjú tilboð bárust í sameiginlegu útboði sorpmála hjá Grundarfjarðarbæ og Snæfellsbæ, eins og farið var yfir á 280. fundi bæjarstjórnar þann 8. febrúar sl. Útboðsferlið var undir verkstjórn Ríkiskaupa. Tilboðin voru öll talsvert yfir kostnaðaráætlun.

Farið var yfir niðurstöður útboðsins og úrvinnslu þeirra, m.a. spurningar sem lagðar voru fyrir bjóðendur tveggja lægstu tilboðanna og svör/viðbrögð við þeim. Álitaefni voru uppi vegna mismunandi þarfa sveitarfélaganna tveggja og mismunandi niðurstöðu fyrir þau innan heildarboðanna sem hér um ræðir.

Lögð fram til kynningar auglýsing um hraðútboð. Útboðsfrestur er til 15. mars nk.

Eftir yfirferð og úrvinnslu tilboða í útboði sorpþjónustu hjá Grundarfjarðarbæ og Snæfellsbæ í desember/janúar sl. var öllum tilboðum hafnað, sbr. fund bæjarstjórnar 16. febrúar sl.



Nýtt hraðútboð var sett af stað, þar sem sama útboð var endurtekið með örlítið breyttum forsendum og styttri útboðsfresti en í fyrra skiptið. Möguleiki var gefinn á að samið yrði við sitthvorn bjóðandann í sveitarfélögunum tveimur.



Þann 15. mars sl. voru tilboð opnuð í hraðútboðinu og er opnunarskýrsla Ríkiskaupa nú lögð fram. Ríkiskaup munu á næstu dögum senda út val tilboðs þar sem tilkynnt er að til standi að taka tilgreindum tilboðum og er það undanfari samningsgerðar.

Lagður fram til kynningar samningur við Íslenska gámafélagið ehf. um sorphirðu. Samningurinn er gerður á grunni útboðs sem fram fór fyrr á árinu.