Bæjarráð

Málsnúmer 2003018Vakta málsnúmer

Málsnúmer 2006032Vakta málsnúmer

Málsnúmer 2008021Vakta málsnúmer

Málsnúmer 2006026Vakta málsnúmer

Málsnúmer 2008023Vakta málsnúmer

Málsnúmer 2008032Vakta málsnúmer

Málsnúmer 2008018Vakta málsnúmer

Málsnúmer 1909001Vakta málsnúmer

Málsnúmer 2008022Vakta málsnúmer

Málsnúmer 2001004Vakta málsnúmer

Málsnúmer 1912003Vakta málsnúmer

Málsnúmer 2008002FVakta málsnúmer

• 12.1 2001026 Ártún - Óveruleg deiliskipulagsbreyting
  Skv. ákvörðun nefndarinnar og í samræmi við 2. mgr. 43. gr. skipulagslaga, var óveruleg deiliskipulagsbreyting vegna stækkunar byggingarreits við Ártún 3, grenndarkynnt með bréfi, sem sent var á nærliggjandi lóðarhafa þann 4. júní 2020.
  Frestur til athugasemda rann út 10. júlí sl. Á kynningartíma bárust engar athugasemdir. Skipulags- og umhverfisnefnd - 220 Skipulags- og umhverfisnefnd leggur til við bæjarstjórn að samþykkja deiliskipulagsbreytinguna skv. tillögu sem dagsett er 21. apríl 2020.
  
  Skipulags- og umhverfisnefnd felur skipulags- og byggingarfulltrúa ennfremur að gefa út byggingarleyfi, skv. áður framlögðu erindi, að uppfylltum skilyrðum sbr. gr. 2.4.4. í byggingarreglugerð nr. 112/2012 með síðari breytingum. Bókun fundar Bæjarráð samþykkir samhljóða afgreiðslu skipulags- og umhverfisnefndar.
  
• 12.2 2008008 Skipulagsmál á Framnesi
  Skipulags- og byggingarfulltrúi lagði fram til kynningar nokkur erindi og fyrirspurnir sem borist hafa um byggingarframkvæmdir á Framnesi.
  Skipulags- og umhverfisnefnd - 220 Skipulags- og byggingarfulltrúi telur rétt að ráðist verði í deiliskipulagsvinnu á utanverðu Framnesi. Samræma þarf skilmála á uppbyggingu svæðisins, sjá meðal annars bókun máls nr. 2005043 á 216. fundi nefndarinnar. Rétt er að taka tillit til tveggja deiliskipulaga, á Framnesi, austan við Nesveg frá 2008 (hafnarsvæði) og deiliskipulags á Sólvallareit (lóð G.Run) frá 2017.
  
  Skipulags- og umhverfisnefnd leggur til við bæjarstjórn að farið verði í deiliskipulag á umræddu svæði sbr. 8. kafla skipulagslaga nr. 123/2010.
  Bókun fundar Bæjarráð þakkar tillöguna og vísar henni til frekari umræðu á fundi sem fyrirhugaður er á næstunni með skipulagsráðgjöfum, um frekari skref á grunni nýs aðalskipulags. Ennfremur vísað til umræðu við gerð fjárhagsáætlunar 2021.
  
• 12.3 1803056 Skerðingsstaðir Deiliskipulag
  Lögð fram ósk Zeppelin arkitekta f.h. landeigenda, um viðbrögð við ásýndarstúdíu sem unnin hefur verið og er hluti af gerð deiliskipulagstillögu fyrir svæðið.
  Lagt fram til kynningar. Skipulags- og umhverfisnefnd - 220 Á fundi sínum þann 13. nóvember 2019 yfirfór skipulags- og umhverfisnefnd athugasemdir og umsagnir sem bárust við auglýsta skipulagslýsingu og beindi því til framkvæmdaraðila og skipulagshöfunda að móta deiliskipulag og vinna umhverfisskýrslu á grunni þeirrar afgreiðslu sem þar kom fram.
  
  Skipulagsnefnd barst í lok júlí sl. og þann 11. ágúst sl. myndband frá Zeppelin arkitektum, f.h. landeigenda. Myndbandið sýnir ásýnd fyrirhugaðs hótels í nærumhverfi sínu og er óskað eftir viðbrögðum nefndarinnar við því.
  
  Nefndin felur skipulags- og byggingarfulltrúa að yfirfara framkomin gögn með hliðsjón af þeim ábendingum sem nefndin beindi til skipulagshöfunda við afgreiðslu á umsögnum um lýsingu deiliskipulags þann 13. nóvember 2019, og því hvernig fjallað er um ásýnd Kirkjufells í nýsamþykktu aðalskipulagi sveitarfélagsins (kafli 5.1).
  Nefndin felur skipulags- og byggingarfulltrúa í framhaldi af því að ræða við Zeppelin arkitekta um gögnin.
  
  Skipulags- og umhverfisnefnd samþykkir, að ósk Zeppelin arkitekta, að boðað verði til kynningarfundar um leið og færi gefst.
  
• 12.4 2003015 Deiliskipulag Ölkeldudals, breyting
  Lagt fram minnisblað skipulagsráðgjafa, sem gerir grein fyrir hugmyndum að breytingu á deiliskipulagi Ölkeldudals, sem eru í vinnslu. Hugmyndir lagðar fyrir nefnd til umræðu.
  Atriði sem fjallað er um í deiliskipulagsvinnunni hafa komið til umræðu nefndarinnar nýlega, m.a. ákvörðun, sem tekin var í lokin á aðalskipulagsvinnunni, um að færa göngustíg sem liggur að ölkeldu, þannig að hann liggi milli parhúss að Ölkelduvegi 27 og lóðar nr. 29.
  Hinsvegar umræða um fyrirkomulag og mörk lóða í Fellasneið 1-7 og Hellnafelli 8.
  
  Skipulags- og umhverfisnefnd - 220 Skipulags- og umhverfisnefnd fór yfir minnisblöð frá Alta, dagsett 7. maí og 12. júní 2020.
  Lagt fram til kynningar.
  
• 12.5 2003023 Skil á lóð - Ölkelduvegur 19
  Marta Magnúsdóttir skilar inn lóð sem hún hafði fengið úthlutað að Ölkelduvegi 19. Skipulags- og umhverfisnefnd - 220 Skipulags- og umhverfisnefnd staðfestir skil á lóðinni við Ölkelduveg 19 og er hún því laus til úthlutunar. Bókun fundar Bæjarráð samþykkir samhljóða afgreiðslu skipulags- og umhverfisnefndar.
  
• 12.6 2007015 Fellasneið 14 - Stækkun á lóð
  Lögð er fram beiðni lóðarhafa um stækkun á lóð að Fellasneið 14 um tvo metra, yfir lóðarmörk aðliggjandi lóðar að Fellasneið 12, þar sem leiksvæði er nú. Skipulags- og umhverfisnefnd - 220 Skipulags- og umhverfisnefnd samþykkir stækkun á lóð um 2 metra og felur skipulags- og byggingarfulltrúa að lagfæra lóðarblöð og hlutast til um endurnýjun lóðarleigusamnings um lóðina. Bókun fundar Bæjarráð samþykkir samhljóða afgreiðslu skipulags- og umhverfisnefndar.
  
  
• 12.7 2008013 Grundargata 30 - Fyrirspurn um byggingaráform
  Helgrindur ehf. senda inn fyrirspurn vegna fyrirhugaðra breytinga á efri hæð á Grundargötu 30.
  Skipulags- og umhverfisnefnd - 220 Skipulags- og umhverfisnefnd telur að framkomnar hugmyndir séu í samræmi við nýsamþykkt aðalskipulag Grundarfjarðarbæjar og stefnu sem þar er sett fram um starfsemi í miðbæ.
  
  Nefndin felur skipulags- og byggingarfulltrúa að kalla eftir umsókn um byggingarleyfi þegar teikningar liggja fyrir.
• 12.8 2006039 Reykhólahreppur - Verkefnalýsing vegna endurskoðunar Aðalskipulags Reykhólahrepps 2006-2018 - Umsagnarbeiðni
  Vegna endurskoðunar á Aðalskipulagi Reykhólahrepps 2006-2018 var óskað eftir umsögnum/ábendingum um skipulagslýsingu, frá hagaðilum, m.a. sveitarfélögum við Breiðafjörð.
  Bæjarráð tók málið fyrir og óskaði eftir umsögn skipulags- og umhverfisnefndar.
  Umsagnarfrestur er liðinn, en bæjarstjóri hefur kynnt Reykhólahreppi að umsögn muni berast í ágústmánuði. Skipulags- og umhverfisnefnd - 220 Lögð fram tillaga bæjarstjóra að umsögn um skipulagslýsinguna.
  
  Þar er lögð áhersla á bættar samgöngur um Skógarstrandarveg og tækifærin sem í þeim felast til aukinnar samvinnu. Ennfremur á sameiginlega hagsmuni um málefni Breiðafjarðar.
  
  Nefndin gerir ekki athugasemdir við lýsingu skipulagsverkefnisins, tekur undir framlagða tillögu og felur skipulags- og byggingarfulltrúa að svara erindi Reykhólahrepps.
  
  
• 12.9 2008010 Bergþórugata - Biðskylda
  Tillaga skipulags- og byggingarfulltrúa um biðskyldu á nýju götunni, Bergþórugötu, gagnvart Sólvöllum annars vegar og Nesvegi hins vegar.
  Skipulags- og umhverfisnefnd - 220 Skipulags- og umhverfisnefnd leggur til við bæjarstjórn að biðskylda verði samþykkt á umferð um Bergþórugötu, gagnvart Sólvöllum annarsvegar og Nesvegi hinsvegar. Ákvörðunin byggir á ákvæði 84. gr. umferðarlaga nr. 77/2019. Bókun fundar Bæjarráð samþykkir samhljóða afgreiðslu skipulags- og umhverfisnefndar.
  
• 12.10 2003009 Umsókn um lóð - Ölkelduvegur 29-31
  Fastafl ehf. óskar eftir að úthlutun lóða yfirfærist á Fastafl Þróunarfélag ehf. vegna breytinga á eignarhaldi í félaginu.
  
  Einnig er lögð fram hugmynd frá þeim um að sameina lóðir nr. 29 og 31 og byggja á þeim 5 íbúða raðhús. Skipulags- og umhverfisnefnd - 220 Skipulags- og umhverfisnefnd gerir ekki athugasemdir við færslu á úthlutun lóða til Fastafls Þróunarfélags ehf. og felur skipulags- og byggingarfulltrúa að kalla eftir teikningum af framkomnum hugmyndum er varða 5 íbúða raðhús á umræddum lóðum.
  
  Nefndin leggur til að í vinnu sem nú stendur yfir við endurskoðun á deiliskipulagi Ölkeldudals sbr. lið 4 á þessum fundi verði tekið tillit til óska framkvæmdaraðila. Ennfremur að í þeirri vinnu verði lóðanúmerum við ofanverðan Ölkelduveg breytt.
  
  Bókun fundar Bæjarráð samþykkir að úthlutun lóðanna Ölkelduvegur 29-31 yfirfærist yfir á Fastafl þróunarfélag ehf. Jafnframt samþykkir bæjarráð samhljóða afgreiðslu skipulags- og umhverfisnefndar.
  
  
  
• 12.11 2007005 Hálsaból-sumarhús ehf - Umsagnarb.rek.G.II-Hálsaból sumarhús, Hálsi, Eyrarsveit, Grfj.
  Byggingarfulltrúi kynnir að hann hefur farið í úttekt og veitir jákvæða umsögn, vegna endurnýjunar rekstrarleyfis. Skipulags- og umhverfisnefnd - 220 Lagt fram til kynningar.
• 12.12 2008015 Skipulagsstofnun - Málþing um skipulag og hönnun í landslagi
  Skipulagsstofnun stendur fyrir málþingi um landslag og skipulag miðvikudagsmorguninn 26. ágúst nk. Fundurinn tilheyrir morgunfundaröð um landsskipulagsstefnu og verður streymt á Facebook-síðu Skipulagsstofnunar.
  
  Skipulags- og umhverfisnefnd - 220 Lagt fram til kynningar.

Málsnúmer 2005002FVakta málsnúmer

• 13.1 1901030 Hafnargerð 2019-2020, Lenging Norðurgarðs
  Hafnarstjóri gerir grein fyrir stöðu verksins.
  Hafnarstjórn - 10 Hafnarstjóri fór yfir stöðu framkvæmda við lengingu Norðurgarðs.
  
  Verkáfangi um rekstur stálþils og sjóvörn:
  Keyrsla á görðum er nánast lokið, en niðurrekstur stálþils hefur gengið erfiðlega, m.a. vegna tíðarfars í vetur. Verkið er á eftir áætlun.
  
  Dæluskip er væntanlegt í byrjun júlí, til að dýpka meðfram nýja hluta Norðurgarðs. Dýpkunarefninu verður dælt inní landfyllinguna austanvert við Nesveg. Sjá lið nr. 2 á dagskrá.
  
  Næsti áfangi er "Norðurgarður; þekja, lagnir og raforkuvirki". Þann 26. maí sl. voru opnuð tilboð í útboði þess áfanga og átti Almenna umhverfisþjónustan ehf. lægsta tilboð, 83.990.350 kr. Hafnarstjórn hafði áður veitt hafnarstjóra umboð til að ganga til samninga við lægstbjóðanda, í samræmi við tillögu Vegagerðarinnar þar að lútandi, eftir yfirferð tilboða.
  
  Helstu verkþættir felast í að steypa upp rafbúnaðarhús, stöpla undir ljósamöstur og brunna, að leggja ídráttarrör fyrir rafmagn og leggja vatnslögn, ennfremur jarðvegsvinna og steypt þekja, auk raforkuvirkis.
  
  Þessi verkáfangi er háður framgangi stálþilsrekstursins og er áætlað að framkvæmdir við hann geti hafist í ágústmánuði nk.
  
  Verkið er tvískipt, annarsvegar verkáfangi sem unninn verður fram á komandi haust, en síðari verkáfangi verður unninn vorið 2021 og er með verklok 1. júní 2021.
  
  
  
• 13.2 1912017 Sjóvörn og landfylling austan Nesvegar og á Framnesi
  Hafnarstjóri fór yfir stöðu verksins. Hafnarstjórn - 10 Framkvæmdir við gerð sjóvarnar á hafnarsvæði, austan við Nesveg, hafa gengið vel. Garðurinn er nánast fullbúinn.
  
  Dæluskip er væntanlegt í byrjun júlí, til að dýpka meðfram nýja hluta Norðurgarðs og verður dýpkunarefninu verður dælt inní landfyllinguna.
  
  
• 13.3 2005015 Ársreikningur 2019
  Hafnarstjórn - 10 Lagður fram ársreikningur Hafnarsjóðs Grundarfjarðarbæjar fyrir árið 2019. Samkvæmt ársreikningnum eru heildartekjur 111,4 millj. kr. og laun og rekstrargjöld eru 55,8 millj. kr. Rekstrarafkoma fyrir fjármagnsliði er því 48,2 millj. kr. Að teknu tilliti til fjármagnsgjalda að fjárhæð 0,6 millj. kr. er rekstrarniðurstaða hafnarsjóðs jákvæð um 47,6 millj. kr., en var jákvæð um 17,2 millj. árið áður. Fjárfest var fyrir 121,3 millj. kr. árið 2019.
  
• 13.4 1911022 Fjárhagsáætlun Grundarfjarðarhafnar 2020
  Horfur varðandi tekjur hafnarinnar. Framkvæmdir ársins, aðrar en lenging Norðurgarðs, sjóvörn og landfylling.
  Hafnarstjórn - 10 Rætt um horfur varðandi tekjur hafnarinnar á árinu.
  
  Tekjur hafnarinnar, sem og rekstrarkostnaður, fyrstu fimm mánuði ársins eru mjög svipaðar því sem var á sama tímabili í fyrra.
  
  Áhrif af Covid-19 valda því að af 38 bókuðum komum skemmtiferðaskipa ársins, hafa nú 26 komur verið afbókaðar, sem jafngildir um 76% af áætluðum tekjum hafnarinnar af komum skemmtiferðaskipa.
  
  Rætt um framkvæmdir ársins, aðrar en hafnargerð, og kostnað við þær.
  
  Á síðasta fundi hafnarstjórnar, þann 6. apríl sl., kynnti hafnarstjóri yfirlit um brýn viðhaldsverkefni og framkvæmdir, aðrar en lengingu Norðurgarðs. Rætt var um þak hafnarhúss, sem brýnt er að skipta um. Gerð var verðkönnun í nýtt þak, skv. hönnun og byggingarnefndarteikningum sem W7 slf., Sigurbjartur Loftsson, vann fyrir Grundarfjarðarhöfn. Eitt tilboð barst, frá Eyrarsveit ehf., að fjárhæð kr. 5.499.375 kr. m.vsk. Hafnarstjóri gekk til samninga við bjóðanda og er áætlað að verkið verði unnið í júlímánuði nk.
  
  Framhald umræðna á síðasta hafnarstjórnarfundi, um bágborið ástand þekju á elsta hluta Norðurgarðs: hafnarstjóra falið að vinna áfram að úrlausn þessa verks.
  
  
• 13.5 2005007 Fundargerð 422. fundar stjórnar Hafnasamband Íslands
  Hafnarstjórn - 10 Fundargerðin lögð fram til kynningar.
• 13.6 2006016 Hafnasamband Íslands - Fundargerð 423. og 424. fundar stjórnar
  Hafnarstjórn - 10 Fundargerðirnar lagðar fram til kynningar.
  
• 13.7 2005024 Hafnasamband Íslands - Ársreikningur 2019, drög
  Hafnarstjórn - 10 Lagt fram til kynningar.
  
• 13.8 2006030 Embætti landlæknis - COVID skimun á landamærum - skútur oþh
  Hafnarstjórn - 10 Lagt fram til kynningar.
  

Málsnúmer 1812007Vakta málsnúmer

Málsnúmer 2006020Vakta málsnúmer

Málsnúmer 2009001Vakta málsnúmer

Málsnúmer 2002001Vakta málsnúmer