Ungmennaráð

Lögð fram ályktun frá haustfundi Félags íþrótta-, æskulýðs- og tómstundafulltrúa á Íslandi vegna sölu áfengis á íþróttaviðburðum.

Íþrótta- og tómstundafulltrúi kynnti störf vinnuhóps sem bæjarstjórn Grundarfjarðarbæjar hefur skipað. Hópurinn samanstendur af fulltrúum frá UMFG, fulltrúum úr bæjarstjórn, auk þess sem bæjarstjóri og íþrótta- og tómstundafulltrúi starfa með hópnum.

Hlutverk hópsins er að skilgreina þarfir íþróttafélaga í sveitarfélaginu fyrir aðstöðu og vinna þarfagreiningu fyrir íþróttaaðstöðu í sveitarfélaginu.

Ólafur Ólafsson, íþrótta- og tómstundafulltrúi kynnti samantekt frá Ungmennaþingi Vesturlands sem fram fór í Hvalfjarðarsveit í október síðastliðnum.

Haukur Smári Ragnarsson og Brynjar Þór Ásgeirsson tóku þátt í ungmennaþinginu fyrir hönd Grundarfjarðarbæjar.