UMFG - samtal um aðstöðumál

Lagðir fram minnispunktar bæjarstjóra um efni samtals við UMFG á fundi sem stjórn félagsins óskaði eftir með bæjarstjórn og haldinn var þann 5. desember sl.

Lagðar fram tilnefningar UMFG um fulltrúa í starfshóp. UMFG óskaði eftir að hafa þrjá fulltrúa sem verði Ingibjörg Eyrún Bergvinsdóttir formaður, Sólveig Ásta Bergvinsdóttir og Tryggvi Hafsteinsson, sem eru öll stjórnarmenn UMFG.

Fulltrúar bæjarstjórnar í vinnuhópnum verða Marta Magnúsdóttir og Garðar Svansson.

Í samræmi við fyrri ákvörðun bæjarstjórnar starfa íþrótta- og tómstundafulltrúi og bæjarstjóri með hópnum.

Ólafur Ólafsson íþrótta- og tómstundafulltrúi gerði grein fyrir vinnu vinnuhóps sem bæjarstjórn Grundarfjarðarbæjar hefur skipað, til að vinna þarfagreiningu fyrir íþróttaaðstöðu UMFG o.fl.

Íþrótta- og tómstundafulltrúi kynnti störf vinnuhóps sem bæjarstjórn Grundarfjarðarbæjar hefur skipað. Hópurinn samanstendur af fulltrúum frá UMFG, fulltrúum úr bæjarstjórn, auk þess sem bæjarstjóri og íþrótta- og tómstundafulltrúi starfa með hópnum.

Hlutverk hópsins er að skilgreina þarfir íþróttafélaga í sveitarfélaginu fyrir aðstöðu og vinna þarfagreiningu fyrir íþróttaaðstöðu í sveitarfélaginu.