Bæjarráð

Lagt fram yfirlit yfir lausafjárstöðu.

Lagt fram yfirlit yfir greitt útsvar janúar-október og janúar-nóvember 2021.

Samkvæmt yfirlitinu fyrir janúar til nóvember hefur greitt útsvar hækkað um 4,2% miðað við sama tímabil í fyrra. Hækkun á landsvísu á sama tímabili er 8,6%.

Einnig rætt um þróun íbúafjölda. Þann 1. desember 2020 voru 870 íbúar í sveitarfélaginu, en skv. neðangreindri skýrslu gefinni út af Þjóðskrá eru íbúar 841 í dag. Skýrslan geymir rauntímaupplýsingar um ýmsar kennitölur, sjá slóð:

https://storage.googleapis.com/a2p-v2-storage/c382c8ee-08e1-4bef-852c-c7e201484f59?fbclid=IwAR0gjs-JHMZEIE6Kh9LWkaf70G7vRXi3C8WRKaQz49ajX4mce9gYLRrQRy4

Bæjarráð fór yfir ýmis atriði sem snerta lýðfræði og þróun, byggingamál og fleira.

Á næsta ári er fyrirhugað að verði 16 íbúðir (fjölbýli og einbýli) í byggingu í sveitarfélaginu og eitt atvinnuhúsnæði er í byggingu. Á næstunni verður auglýst breyting á deiliskipulagi Ölkeldudals, þar sem gert er ráð fyrir nýjum íbúðarlóðum.

Lagt fram yfirlit sem sýnir samanburð á launaáætlun og útgreiddum launum Grundarfjarðarbæjar janúar til nóvember 2021. Samkvæmt yfirlitinu eru raunlaun undir áætlun.

Lagt fram yfirlit yfir styrkumsóknir vegna ársins 2022 ásamt umsóknum og greinargerðum. Eftir yfirferð bæjarráðs er tillögum að styrkveitingum 2022 vísað til bæjarstjórnar.

Samþykkt samhljóða.

Bæjarráð samþykkir jafnframt að stofnaður verði sjóður með það hlutverk að styrkja uppbyggingu félagasamtaka í íþróttum, menningu og samfélagslegum verkefnum. Stofnfé verði ein milljón kr. á árinu 2022 og í framhaldinu verði fast árlegt framlag úr bæjarsjóði að fjárhæð 1,5-2 milljónir króna, þó með fyrirvara um afkomu bæjarsjóðs. Bæjarráð mun ganga frá frekari útfærslu á næstu fundum og leita umsagnar fagnefnda.

Samþykkt samhljóða.

Farið yfir fyrirliggjandi gögn.

Bæjarráð þakkar fyrir ábendingar íbúa í tengslum við fjárhagsáætlunargerðina.

Bæjarráð setur fyrirvara á fjölda stöðugilda í leikskóla. Yfirstandandi er vinna við að skilgreina betur verklag við ákvörðun sérkennslu og stuðnings, þörf fyrir afleysingu o.fl. Bæjarráð mun setja viðmið um barngildi í starfsemi leikskólans í tengslum við þá vinnu.

Fjárhagsáætlun 2022 samþykkt samhljóða.

Bæjarráð vísar fjárhagsáætlun 2022 til síðari umræðu í bæjarstjórn.

Farið yfir rekstraryfirlit og áætlun vegna leiguíbúða I og II, íbúðir við Hrannarstíg.

Bæjarráð gerir þann fyrirvara við gjaldskrár ársins 2022 að fjárhæð innheimtrar leigu vegna íbúðanna verðir endurskoðuð, m.t.t. raunverulegs kostnaðar við rekstur íbúðanna.

Jafnframt felur bæjarráð skipulags- og umhverfissviði að skoða upptöku á tengigjaldi fráveitu í núverandi gjaldskrá.

Samþykkt samhljóða.

Bæjarráð leggur til við bæjarstjórn að fjárhagsáætlun HeV fyrir árið 2022 verði samþykkt.

Samþykkt samhljóða.

Fannar Þór Þorfinnsson hefur verið skráður byggingarfulltrúi Grundarfjarðarbæjar hjá Húsnæðis- og mannvirkjastofnun. Jökull Helgason er þar með afskráður.

Jafnframt hefur Kristín Þorleifsdóttir verið skráð sem skipulagsfulltrúi hjá Skipulagsstofnun síðan í ágúst sl.

Ofangreint er gert í samræmi við samstarfssamning fjögurra sveitarfélaga á Snæfellsnesi.

Samþykkt samhljóða.

Lagt fram til kynningar minnisblað Sambands íslenskra sveitarfélaga um endurskoðaða þjóðhagsspá.

Lagt fram til kynningar ársuppgjör handverkshóps eldri borgara vegna ársins 2020.

Lagt fram til kynningar ársuppgjör Skíðadeildar UMFG vegna ársins 2020.

Lagður fram til kynningar ársreikningur Setbergssóknar vegna ársins 2020.