Stofnun götu norðan Grundargötu 12-28

Nafnlaus botnlangi liggur frá Borgarbraut, til suðausturs, norðan við hús sem standa við Grundargötu 12-28. Engin hús eru kennd við götuna.



Talið er að það geti einfaldað aðkomu fyrir íbúa og fleiri, að gatan fái sjálfstætt heiti og verði þannig merkt á kortum, en fyrirspurn hefur borist frá hluta eigenda um það.

Í samræmi við ákvörðun nefndarinnar á 261. fundi 29. október sl. var auglýst eftir hugmyndum um heiti á ónefndum botnlanga út frá Borgarbraut, norðaustur af Grundargötu 12-28. Engin hús hafa þó heimilisfang við götuna.



Alls bárust 27 tillögur í tölvupósti, í samræmi við auglýsinguna, og þar af tvær með ítarlegum rökstuðningi í sérstöku fylgiskjali.



Tillögurnar hafa verið teknar saman í eitt skjal ásamt þeim rökstuðningi sem barst og lagðar fram nafnlaust fyrir skipulags- og umhverfisnefnd.



Til upplýsingar eru einnig teknar saman 16 hugmyndir sem ekki voru sendar á starfsmann bæjarins en komu fram í umræðum á samfélagsmiðlum.

Undir þessum lið er haldið áfram umræðu af síðasta fundi.