Hafnarstjórn

Rætt var um opnun tilboða í sjófyllingu, fyrsta áfanga lengingar Norðurgarðs Grundarfjarðarhafnar, sem fram fór í gær, 22. janúar 2019.
Eitt tilboð barst, frá Björgun, og Vegagerðin yfirfer nú tilboðsgögn.
Málið kemur til afgreiðslu hjá hafnarstjórn þegar niðurstöður liggja fyrir.

Kynnt drög að verkefnalista vegna framkvæmdar við lengingu Norðurgarðs, sem hafnarstjóri hafði tekið saman.

Lagt fram erindi SH 55 slf. um að felldir verði niður tveir reikningar vegna álagðra farþegagjalda á tvo útsýnisbáta fyrirtækisins á árinu 2018. Fyrirtækið telur að höfnin hafi ekki stoð í gjaldskrá sinni til gjaldtökunnar og hefur hafnað greiðslu reikninganna.
Bæjarstjóra falið að leggja frekari upplýsingar fyrir næsta fund hafnarstjórnar, í samræmi við umræður fundarins.

Lagt fram og farið yfir yfirlit yfir fjárhag hafnarsjóðs, tekjur og gjöld 2018.
Hafnarstjóra þakkað fyrir gott utanumhald í rekstri og starfsemi hafnarinnar.

Hafnarstjóri sagði frá markaðs- og kynningarstarfi hafnarinnar. Hafnarstjórn ræddi áform um starf ársins.
Hafnarstjóri sagði frá því að þegar séu bókaðar 53 komur skemmtiferðaskipa í Grundarfjarðarhöfn á komandi sumri. Síðastliðið sumar voru komur skemmtiferðaskipa samtals 28.

Umhverfisstofnun hefur staðfest endurskoðaða áætlun Grundarfjarðarhafnar um móttöku og meðhöndlun úrgangs og framleifa frá skipum, sbr. 6. gr. rglg. nr. 1200/2014.
Bréf stofnunarinnar um staðfestinguna lagt fram til kynningar.
Endurskoða þarf áætlunina á þriggja ára fresti.

Þinggerð frá síðasta hafnasambandsþingi lögð fram til kynningar.

Ályktun 41. hafnasambandsþings, 2018, um öryggi í höfnum lögð fram til kynningar.
Grundarfjarðarhöfn hefur unnið öryggisáætlun sína, sem er reglulega endurskoðuð. Hafnarstjórn ræddi hvernig höfnin getur gert enn betur í öryggismálum.

Fundargerð lögð fram til kynningar.

Lagt fram til kynningar.

Lagt fram til kynningar minnisblað hafnarstjóra Faxaflóahafna um stöðu landtenginga í höfnum landsins.