Golfklúbburinn Vestarr - Bárarvöllur

Lögð fram beiðni Golfklúbbsins Vestarrs (GVG) dags. 22. febrúar sl. um viðræður við bæjarráð/bæjarstjórn auk fleiri gagna.



Jafnframt lagðir fram til kynningar minnispunktar frá fundum golfklúbbsins og landeiganda, frá fundum 11. október 2023 og 30. janúar sl.



Einnig lagt fram erindi frá Gunnari Kristjánssyni varðandi málefni golfklúbbsins.

Lögð fram tillaga starfshóps sem fékk það hlutverk að ræða við stjórn Golfklúbbsins Vestarr (GVG), vegna kaupa á golfvelli og fjármögnun.



Í tillögunni er lagt til að Grundarfjarðarbær styrki golfklúbbinn um 8 millj. kr. árið 2024 og síðan um 5 millj. kr. á ári í átta ár, þ.e. árin 2025-2032. Samkomulag verði gert með samstarfssamningi bæjarins og GVG, þar sem einnig komi fram samkomulag um eflingu barna- og ungmennastarfs á vegum GVG. Samkomulagið yrði bundið við vísitölu neysluverðs.



Forsendur fyrir útgreiðslu fjárstyrkja hvers árs er að fjárhagsáætlun félagsins fyrir hvert ár verði samþykkt af Grundarfjarðarbæ til þess að rekstrarhæfi félagsins sé tryggt. Jafnframt leggi golfklúbburinn fram áætlun og staðfestingu á því hvernig kaup golfklúbbsins á golfvellinum að Suður-Bár verði fjármögnuð að öðru leyti.

Lagður fram samstarfssamningur við Golfklúbbinn Vestarr Grundarfirði (GVG), sem felur í sér greiðslu 8 millj. kr. fjárstyrks til golfklúbbsins árið 2024 og 5 millj. kr. styrkgreiðslu árlega árin 2025-2032, samtals 48 millj. kr. á samningstímanum.



Tilgangur og markmið samningsins eru að tryggja áframhaldandi aðstöðu og uppbyggingu á íþróttasvæðinu á Bárarvelli og að gera GVG kleift að festa kaupa á landi og aðstöðu fyrir golfvöll í landi Suður-Bárar.



Í bókun 286. fundar bæjarstjórnar þann 28. maí sl. fólst að leggja skyldi samstarfssamning við GVG með tilgreindum forsendum, fyrir bæjarstjórn til samþykktar. Ritað var undir slíkan samning þann 12. júlí sl. og er samstarfssamningurinn því lagður fyrir bæjarstjórn nú.



Samkvæmt samningnum er gert ráð fyrir að GVG leggi fram áætlun og staðfestingu á því hvernig kaup GVG á golfvellinum í Suður-Bár verði fjármögnuð að öðru leyti. GVG vinnur nú að því og mun leggja fram áætlun sína þegar hún verður tilbúin. Lagt til að GVG verði greiddur út styrkur ársins 2024.



Forsendur útgreiðslu fjárstyrkja hvers árs eru annars þær að fjárhagsáætlun GVG fyrir hvert ár verði samþykkt af Grundarfjarðarbæ til þess að rekstrarhæfi klúbbsins sé tryggt. Fjárhagsáætlun þarf að berast Grundarfjarðarbæ eigi síðar en 1. apríl ár hvert, meðan samningurinn er í gildi.