Vélsmiðja Grundarfjarðar - Byggingarleyfi

Vélsmiðja Grundarfjarðar sækir um byggingarleyfi fyrir 808 m2 geymsluhúsnæði við Ártún 4 (umsókn dags. 29.08.2022). Jafnframt óskar umsækjandi eftir viðbrögðum nefndarinnar varðandi mögulega deiliskipulagsbreytingu sem tekur til færslu á byggingarreit og frávik frá skilmálum um þakhalla og vegghæð.

Samkvæmt gildandi deiliskipulagi er lóðin 2932 m2, byggingarreiturinn 880 m2 og nh 0,3. Aðrir skipulagsskilmálar eru: bundin byggingarlína, vegghæð 3,3-4,95 m, gluggar á norðurhlið að lágmarki vera 5% af veggfleti, frjálst þakform með lágmarksþakhalla 15° og n-s mænisstefnu og litaval í samræmi við leiðbeinandi litaval. Jafnframt skal gera grein fyrir bílastæðum á lóð, stæðum fyrir fatlaða og aðgegni að fullnægjandi aðstöðu til sorpgeymslu á lóð.

Vélsmiðja Grundarfjarðar sækir um byggingarheimild fyrir 800m2 geymsluhúsnæði við Ártún 4, burðarvirki hússins er stálgrindarhús á steyptum grunni.
Á 239 fundi skipulags- og umhverfisnefndar sótti lóðarhafi um óverulega breytingu á deiliskipulagi fyrir Ártún 4 þar sem byggingarleyfisumsókn var ekki í samræmi við gildandi deiliskipulag, nefndin tók jákvætt í umsókn um breytingu á deiliskipulagi, á 240 fundi skipulags- og umhverfisnefndar samþykkti nefndin tillögu að óverulegri breytingu sem fór síðan í grenndarkynningu, engar athugasemdir bárust og var óveruleg breyting á deiliskipulagi auglýst í B-deild stjórnartíðinda þann 29 desember 2022.