Íbúðir við Hrannarstíg 18 og 28-40 - Samantekt Deloitte á kostnaði o.fl.

Í framhaldi af umræðu um leigutekjur á íbúðum eldri borgara I og II á 580. fundi bæjarráðs er lagt fram yfirlit Deloitte með samanburði á kostnaði slíkra íbúða í Grundarfirði og Snæfellsbæ.

Samkvæmt úttektinni duga leigutekjur ekki fyrir vaxtakostnaði og almennum rekstrarkostnaði. Viðhaldskostnaður, sem er mismunandi milli ára, eykur töluvert tap húseignanna.

Bæjarráð óskar eftir nánari gögnum, niðurbroti á íbúðir I og II og rekstrargreiningu aftur í tímann. Jafnframt óskar bæjarráð eftir ákveðnum skýringum/breytingu á yfirliti Deloitte.

Frekari umræðu vísað til næsta fundar bæjarráðs.

Lagt fram yfirlit um sundurliðun kostnaðar íbúða eldri borgara niður á hverja íbúð og samantekt á húsum. Jafnframt lögð fram drög að samningi (sýnishorn) um íbúð eldri borgara.

Sett niður frekari atriði sem eru til skoðunar hjá bæjarráði og umræðu vísað til næsta fundar.

Bæjarráð fór yfir gögnin. Miðað er við að leggja fram frekari gögn vegna ársins 2023 á næsta fundi bæjarráðs.

Vísað til næsta fundar bæjarráðs.

Bæjarráð samþykkir að bíða með að auglýsa íbúðina til úthlutunar.

Samþykkt samhljóða.

Bæjarráð fór yfir fyrirliggjandi niðurstöður og þau úrræði sem fyrir hendi eru til að mæta tapi sem verið hefur á rekstrinum.

Bæjarráð leggur til annars vegar að leiga í íbúðunum verði hækkuð og að höfð verði hliðsjón af leigufjárhæðum í samanburðarsveitarfélögunum. Leigufjárhæð miðist við um 1980 kr. pr. m2. Hækkun fari fram í 3-4 skrefum á ca. einu ári.

Ennfremur leggur bæjarráð til við bæjarstjórn að það svigrúm sem nú skapast, með lausri íbúð, og einnig í ljósi þess að bærinn á 15 íbúðir sem nýttar eru í þessu skyni, þá verði tækifærið nýtt og ein íbúð verði seld. Bæjarstjóra/skrifstofustjóra verði falið að afla verðmats íbúðar hjá fasteignasala.

Framangreind tillaga til bæjarstjórnar samþykkt samhljóða.

Framlögð skjöl rædd.

Bæjarstjórn samþykkir samhljóða framlögð skjöl.