Málsnúmer 2207003F

Vakta málsnúmer

Bæjarráð - 591. fundur - 25.08.2022

Bæjarráð samþykkir samhljóða fundargerð 34. fundar menningarnefndar.
  • .1 2207016 Erindisbréf ásamt kosningu formanns, varaformanns og ritara - menningarnefnd
    Erindisbréf mennningarnefndar var lagt fram. Menningarnefnd - 34 Menningarnefnd samþykkti að formaður nefndarinnar verði Marta Magnúsdóttir og að varaformaður nefndarinnar verði Rakel Birgisdóttir. Jafnframt var samþykkt að ritari nefndarinnar verði Þurí, starfsmaður menningarnefndar, nema annað verði ákveðið.

    Nýr formaður tók nú við stjórn fundarins.
  • .2 2207002 Siðareglur kjörinna fulltrúa í Grundarfjarðarbæ
    Lagðar fram til kynningar við upphaf nefndarstarfs Siðareglur fyrir kjörna fulltrúa hjá Grundarfjarðarbæ.

     Menningarnefnd - 34 BÁ fór lauslega yfir samþykktir Grundarfjarðarbæjar og önnur gögn sem nefndin byggir starf sitt á. Ennfremur fór hún yfir siðareglur fyrir kjörna fulltrúa.
    Hún sagði frá því að bæjarstjórn hafi samþykkt að halda sameiginlegan kynningar- og fræðslufund fyrir nefndarfólk og verður hann líklega haldinn um mánaðamótin ágúst-september nk.
  • .3 2205031 Fundartími nefnda
    Ákvörðun um reglulegan fundartíma eða heppilega fundardaga nefndarinnar. Menningarnefnd - 34 Nefndin mun að jafnaði funda á 6-8 vikna fresti. Nefndin telur ekki þörf á að ákveða fastan fundartíma, heldur mun hún koma sér saman um fundartíma hverju sinni.

    Fundir verða að jafnaði haldnir í Ráðhúsi Grundarfjarðar kl. 16:30.
  • .4 2207018 Menningarnefnd - yfirlit yfir félags- og menningarstarf í Grundarfirði 2022-2026
    Lagt fram til skoðunar yfirlit yfir félags- og menningarstarf í bænum til að vinna með. Í því er einnig að finna yfirlit yfir hátíðir og viðburði á vegum bæjarins og annarra aðila.

    Menningarnefnd - 34 Farið yfir helstu verkefni, samstarfsaðila og viðburði sem fara fram í Grundarfirði.
  • .5 2207019 Verkefni menningarnefndar 2022-2026
    Farið yfir hlutverk og verkefni nefndarinnar og hennar starfssvið. Menningarnefnd - 34 Hlutverk menningarnefndar er tiltekið í erindisbréfi hennar. Rætt var mikilvægi þess að grasrótin blómstri, í menningum og listum. Nauðsynlegt er því að í gangi sé virkt samtal milli nefndar og listafólks og þeirra fjölmörgu sem standa fyrir menningu í bænum og að góð hvatning og hvati sé til menningarstarfs.
    Mikilvægt er að nefndarmenn hafi frumkvæði og séu virkir í þátttöku og hugmyndavinnu, til þess að viðhalda sem áhrifaríkustu starfi í þágu menningar í bænum.
    Mikilvægt er einnig að nýta vel húsnæði og aðstöðu sem til staðar er í bænum, fyrir listir og menningu.

    Hér vék Björg af fundi.

    Rætt um verkefni sem menningarnefnd er með í vinnslu núna.

    Þar á meðal má nefna árlega ljósmyndasamkeppni, en þema keppninnar í ár er "Lægðin". Samkvæmt reglum keppninnar verða myndirnar að vera teknar innan sveitarfélagsmarka á tímabilinu 1. desember 2021 til 18. nóvember 2022. Skilafrestur mynda er til miðnættis föstudag 18. nóvember.

    Einnig eru framundan Rökkurdagar, menningarhátíð, sem haldin er vikuna 9. - 16. október nk.

    Framundan eru einnig styrkumsóknir og farið var yfir það út á hvaða verkefni hægt er að sækja um styrk.