Vetrarþjónustan - Snjómokstur, framlenging á samningi

Lagt fram erindi Vetrarþjónustunnar ehf. með boði um að núverandi samningur verði framlengdur. Jafnframt lagðar fram upplýsingar um kostnað við snjómokstur á gildistíma samningsins.

Farið var yfir reynsluna af þeim samningi sem í gildi er.

Bæjarráð samþykkir samhljóða framlengingu samningsins um eitt ár. Bæjarstjóra falið að ræða við samningsaðila og ganga frá samningi á þessum grunni.

Fyrr í sumar var tekið fyrir erindi Vetrarþjónustunnar ehf. og samþykkt í bæjarráði, um að framlengja samning um snjómokstur um eitt ár. Nú liggur fyrir nýtt erindi þar sem Vetrarþjónustan ehf. óskar eftir að losna frá fyrirhugaðri framlengingu samnings.

Lagt til að bæjarstjóra verði falið, ásamt verkstjóra áhaldahúss, að skoða hvort grundvöllur sé fyrir því að semja við nokkra verktaka samhliða, til eins árs, um snjómokstur. Slíkt fyrirkomulag var viðhaft fyrir nokkrum árum og byggist á því að fleiri en einn séu tiltækir í snjómokstur með ákveðnu skipulagi, undir verkstjórn bæjarverkstjóra.

Samþykkt samhljóða.