Málsnúmer 1709002F

Vakta málsnúmer

Bæjarstjórn - 207. fundur - 13.09.2017

Tekið fyrir mál 1708023 - Lóðir, sem tekið var fyrir á 181. fundi skipulags- og umhverfisnefndar þann 7. sept. sl. Bæjarráð vísaði málinu til endanlegrar afgreiðslu í bæjarstjórn.

Bæjarstjórn leggur til að lóðin við Hlíðaveg 7 verði sett í úthlutun án göngustígs. Bæjarstjórn felur jafnframt skipulags- og byggingafulltrúa að koma með tillögur að lóðum frá Ölkelduvegi 27 og upp að Fellasneið.

Samþykkt samhljóða.
  • .1 1708001F Skipulags- og umhverfisnefnd - 181
    Bæjarráð - 503
  • .2 1501066 Lausafjárstaða
    Bæjarráð - 503 Lagt fram til kynningar yfirlit yfir lausafjárstöðu.
  • .3 1709010 Greitt útsvar 2017
    Bæjarráð - 503 Lagt fram til kynningar yfirlit yfir greitt útsvar jan.-ágúst 2017. Skv. yfirlitinu hafa útsvarstekjur bæjarins aukist um 0,3% milli ára.
  • .4 1706021 Íbúðalánasjóður erindi til sveitarstjórnar
    Bæjarráð - 503 Lagt fram erindi Grundarfjarðarbæjar til Íbúðalánasjóðs frá 4. sept. sl., þar sem gerð eru tilboð í fjórar tilteknar eignir í eigu sjóðsins. Eignirnar sem um ræðir eru Hamrahlíð 4, tvær íbúðir að Ölkelduvegi 9 og Grundargata 20.

    Tilboðin taka mið af bréfi Íbúðalánasjóðs frá 8. júní sl., þar sem sjóðurinn býður sveitarfélögum til viðræðna um þann möguleika að kaupa eignir sjóðsins í viðkomandi sveitarfélögum, áður en þær verða boðnar til sölu á almennum markaði.

    Jafnframt lagt fram yfirlit yfir matsvirði Íbúðalánasjóðs á eignunum og yfirlit úr fasteignaskrá.

    Ennfremur liggur fyrir fundinum gagntilboð Íbúðalánasjóðs, sem er talsvert hærra en tilboð bæjarins.

    Bæjarráð telur matsvirði Íbúðalánasjóðs og gagntilboð of hátt sérstaklega með tilliti til húsa sem talin eru nánast ónýt sbr. Grundargötu 20.

    Bæjarráð hafnar gagntilboði Íbúðalánasjóðs, en felur bæjarstjóra að skoða málið frekar.
  • .5 1707009 Íbúðalánasjóður - Grundargata 69
    Bæjarráð - 503 Lagðir fram tímabundnir leigusamningar um íbúð að Grundargötu 69. Lok leigutíma er 28. febrúar 2018.

    Bæjarráð samþykkir samningana fyrir sitt leyti.
  • .6 1709008 Reglur um útleigu leiguíbúða
    Bæjarráð - 503 Lögð fram og kynnt drög að reglum um útleigu leiguíbúða ásamt matsviðmiðum.

    Bæjarráð samþykkir samhljóða reglurnar og matsviðmiðin.
  • .7 1709004 Grundargata 65, íbúð
    Bæjarráð - 503 Leiguíbúðin að Grundargötu 65 var auglýst laus til umsóknar. Fimm umsóknir bárust um íbúðina.

    Lögð fram og gerð grein fyrir vinnu við mat á umsóknum til samræmis við reglur um útleigu leiguíbúða.

    Bæjarráð samþykkir samhljóða að úthluta Ragnheiði Kristjánsdóttur íbúðinni og felur skrifstofustjóra að ganga frá samningi.
  • .8 1708019 Hrannarstígur 18, íbúð 107
    Bæjarráð - 503 Hlutaréttaríbúð fyrir eldri borgara að Hrannarstíg 18, íbúð 107, var auglýst öðru sinni laus til umsóknar. Ein umsókn barst um íbúðina, frá Patriciu Ann Heggie.

    Bæjarráð samþykkir samhljóða að úthluta Patriciu íbúðinni og felur skrifstofustjóra að ganga frá samningum.
  • .9 1708017 UMFG, atrennu- og hlaupabrautir
    Bæjarráð - 503 Lokið hefur verið við malbikun liðlega 100 m langrar atrennubrautar milli langstökksgryfja á íþróttasvæðinu.

    Bæjarráð lýsir yfir ánægju með þennan fyrsta áfanga í uppbyggingu svæðisins. Jafnframt telur bæjarráð mikilvægt að starfsmenn bæjarins í samvinnu við UMFG gangi frá og lagi til í nánasta umhverfi brautarinnar. Ennfremur þarf að huga að næstu skrefum fyrir gerð næstu fjárhagsáætlunar bæjarins.
  • .10 1606001 Sameining sveitarfélaga, viðræður
    Bæjarráð - 503 Í dag 7. september er íbúafundur þar sem sérfræðingar KPMG munu kynna vinnu sína varðandi sviðsmyndagreiningu á helstu kostum og göllum þess ef af sameiningu sveitarfélaganna Grundarfjarðarbæjar, Helgafellsveitar og Stykkishólmsbæjar yrði. Á fundinum verður kallað eftir hugmyndum íbúa til hugsanlegrar sameiningar.

    Jafnframt lagt fram bréf dags. 30. ágúst sl., frá samgöngu- og sveitarstjórnarráðuneytinu varðandi hugsanleg framlög sem veitt yrðu á grundvelli heimildarákvæða reglna nr. 295/2003 um fjárhagslega aðstoð til að greiða fyrir sameiningu sveitarfélaga.

    Í bréfinu er tilkynnt að ráðherra hefur samþykkt tillögu sérstakrar ráðgjafanefndar þess efnis að verði af sameiningu sveitarfélaganna þriggja getur framlag sem byggir á endurskipulagningu þjónustu og stjórnsýslu til sameinaðs sveitarfélags numið allt að 92,5 m.kr.

    Bæjarráð leggur til að samninganefnd sveitarfélaganna um sameiningu fái fund með ráðherra sveitarstjórnarmála og ræði um frekari aðkomu ráðuneytisins að sameiningu sveitarfélaganna, gangi hún eftir.

    Samþykkt samhljóða.
  • .11 1601015 Sjúkraþjálfun
    Bæjarráð - 503 Lagt fram bréf bæjarins dags. 4. sept. sl. til Heilbrigðisstofnunar Vesturlands þar sem lögð er mikil áhersla á að stofnunin komi á fót sjúkraþjálfun í Grundarfirði.

    Bæjarstjóra falið að fylgja málinu eftir.

    Samþykkt samhljóða.
  • .12 1701005 Ísland ljóstengt
    Bæjarráð - 503 Lagður fram tölvupóstur frá endurskoðendum bæjarins varðandi bókhaldslegt fyrirkomulag vegna kostnaðar við lagningu ljósleiðara í dreifbýli Grundarfjarðar.

    Bæjarráð leggur til að farið verði að hugmyndum endurskoðenda og felur bæjarstjóra framkvæmd málsins.

    Samþykkt samhljóða.
  • .13 1610011 Framkvæmdir 2017
    Bæjarráð - 503 Farið yfir stöðu helstu framkvæmda sem í gangi eru.
  • .14 1709011 Fellasneið 24
    Bæjarráð - 503 Lögð fram og kynnt bréf milli fulltrúa lóðarhafa að Fellasneið 24 og bæjarins.
  • .15 1709001 SSV, stjórnarfundur nr. 132
    Bæjarráð - 503 Lögð fram til kynningar fundargerð 132. stjórnarfundar SSV frá 23. ágúst sl.
  • .16 1708029 Jeratún ehf. - Árshlutareikningur 1/1-30/6 2017
    Bæjarráð - 503 Lagður fram til kynningar árshlutareikningur Jeratúns ehf. ásamt fundargerð stjórnarfundar sem haldinn var 31. ágúst sl.
  • .17 1708027 Samgönguráðstefna 2017
    Bæjarráð - 503 Lagt fram til kynningar fundarboð á samgönguþing 2017 sem haldið verður 28. sept. nk.
  • .18 1708026 Fjallskil 2017
    Bæjarráð - 503 Lögð fram til kynningar fjallskilaboð og fundargerð fjallskilanefndar frá 29. ágúst sl. ásamt yfirliti yfir fjölda fjár í sveitarfélaginu. Fyrri göngur verða þann 16. september og þær síðari þann 30. september nk.
  • .19 1708025 Jafnréttisstofa, landsfundur
    Bæjarráð - 503 Lagt fram til kynningar fundarboð Jafnréttisstofu um árlegan landsfund um jafnréttismál sem haldinn verður í Stykkishólmi þann 15. sept. nk.
  • .20 1708014 Byggingafulltrúi, afleysing
    Bæjarráð - 503 Lagðar fram auglýsingar um tímabundna ráðningu skipulags- og byggingafulltrúa.
  • .21 1709006 Félags og skólaþjónusta, stjórnarfundur nr. 91
    Bæjarráð - 503 Lögð fram til kynningar fundargerð 91. stjórnarfundar Félags- og skólaþjónustu Snæfellinga sem haldinn var 16. ágúst sl.
  • .22 1708028 Gististaðir, vinnureglur
    Bæjarráð - 503 Lagt fram til kynningar fundarboð SSV um gististaði í íbúðabyggð sem verður í Borgarnesi 13. september nk.