Málsnúmer 1601004F

Vakta málsnúmer

Bæjarstjórn - 193. fundur - 11.02.2016

  • .1 1501066 Lausafjárstaða
    Bæjarráð - 480 Lagt fram til kynningar
  • .2 1601011 Jafnréttisáætlun
    Bæjarráð - 480 Lögð fram drög að nýrri jafnréttisáætlun fyrir Grundarfjarðarbæ. Bæjarstjóri gerði grein fyrir áætluninni.
    Bæjarráð samþykkti samhljóða að vísa fyrirliggjandi jafnréttisáætlun til samþykktar í bæjarstjórn.
  • .3 1601013 Byggingafulltrúi, uppgjör
    Bæjarráð - 480 Lagt fram uppgjör milli Stykkishólmsbæjar og Grundarfjarðarbæjar vegna embættis byggingarfulltrúa, sem kostaður var sameiginlega af sveitarfélögunum.
    Bæjarráð samþykkir samhljóða fyrirliggjandi uppgjör.
  • .4 1601015 Sjúkraþjálfun
    Bæjarráð - 480 Lagt fram bréf Grundarfjarðarbæjar til Heilbrigðisstofnunar Vesturlands dags. 26. janúar sl., þar sem óskað er eftir því að Heilbrigðisstofnunin beiti sér fyrir því að þjónusta sjúkraþjálfara verði til staðar í Grundarfirði.
    Bæjarráð felur bæjarstjóra að fylgja málinu eftir og óska eftir fundi með fulltrúum Heilbrigðisstofnun Vesturlands sem fyrst.
  • .5 1511028 Húsaleigusamningur, Ölkelduvegur 9
    Bæjarráð - 480 Lagt fram erindi Sigríðar Hjálmarsdóttur, þar sem hún óskar eftir að fá íbúð 101 að Ölkelduvegi 9 til leigu frá 1. febrúar nk.
    Jafnframt óskar hún eftir að losna undan leigusamningi vegna Ölkelduvegar 1 frá sama tíma.
    Fyrirliggjandi erindi samþykkt samhljóða og bæjarstjóra falinn frágangur mála.
  • .6 1509012 Húsaleigusamningur, Ölkelduvegur 1
    Bæjarráð - 480 Lagt fram erindi, þar sem óskað er eftir að fá leigða íbúðina Ölkelduveg 1.
    Bæjarráð samþykkir að auglýsa íbúðina lausa til umsóknar frá 15. febrúar nk. í því ástandi sem hún er.
  • .7 1501049 Dvalar-og hjúkrunarheimilið Fellaskjól v/viðbyggingar
    Bæjarráð - 480 Lagt fram bréf formanns stjónar dvalar- og hjúkrunarheimilisins Fellaskjóls frá 27. janúar sl., varðandi viðbótarumsókn stjórnarinnar í Framkvæmdasjóð aldraðara til samræmis við nýja og hærri kostnaðaráætlun, vegna fyrirhugaðara byggingarframkvæmda við Fellaskjól. Óskar stjórnin eftir því að fá endurnýjaða staðfestingu á þáttöku bæjarins í framkvæmdunum.
    Bæjarráð Grundarfjarðar bendir á fyrri samþykkt bæjarstjórnar stendur, þar sem miðað er við 40 % framlag úr Framkvæmdasjóði á móti 60 % framlagi rekstraraðila til slíkra bygginga.
    Jafnframt vill bæjarráð benda á möguleika á því að sækja um 45 % ríkisframlag til viðbótar við 40 % framlag frá Framkvæmdasjóði.
  • .8 1601016 Kaffihús í Sögumiðstöð
    Bæjarráð - 480 Lögð fram drög að auglýsingu um rekstur kaffihúss í Sögumiðstöðinni.
    Bæjarráð samþykkir samhljóða að auglýst verði eftir rekstraraðilum kaffihúss í Sögumiðstöðinni á grundvelli fyrirliggjandi auglýsingar.
  • .9 1601007 Íbúðalánasjóður-Leigusamningur, Ölkelduvegur 3
    Bæjarráð - 480 Lagt fram bréf frá Íbúðalánasjóði dags. 11. janúar sl, þar sem spurst er fyrir um það hvort Grundarfjarðarbær hyggist leigja Ölkelduveg 3 eftir að leigutíma lýkur 31. mars nk.

    Bæjarráð samþykkir samhljóða að leigja íbúðina áfram.
  • .10 1601009 Íbúðarlánasjóður-Húsaleigusamningur Fellabrekka 21
    Bæjarráð - 480 Lagðir fram leigusamningar, vegna Fellabrekku 21, annars vegar milli Íbúðalánasjóðs og Grundarfjarðarbæjar og hins vegar milli Gunnars Ragnarssonar og Grundarfjarðarbæjar.
    Bæjarráð samþykkir fyrirliggjandi samninga samhljóða.
  • .11 1601010 Flokkun sorps
    Bæjarráð - 480 Lagt fram yfirlit á sorpflokkum og sorpmagni í Grundarfirði fyrir árið 2015. Í heild er sorp á gámasvæði og frá heimilum 501 tonn á árinu 2015. Þar af eru 139,5 tonn frá heimilum. Rétt um helmingur þess fer í endurvinnslu og moltugerð og hinn helmingurinn í urðun. Á gámasvæðinu er tekið á móti 361,8 tonnum og fara 56% í endurvinnslu, 20 % á tipp, 22% í urðun og 3% í eyðingu.
    Markmiðið er að lágmarka það sem til urðunar fer.
  • .12 1601008 Þjóðskrá umsögn sveitafélags vegna Nesvegur 14 og 21
    Bæjarráð - 480 Lögð fram bréf frá Þjóðskrá Íslands, þar sem óskað er umsagnar sveitarfélagsins vegna endurmatsbeiðni á fasteignunum Nesvegi 21 og 14.
    Bæjarráð Grundarfjarðar gerir ekki athugasemdir við að endurmat af þessum toga fari fram, en bendir á að óeðlilega lágt söluvirði fasteigna getur haft áhrif á heildarfasteignamat í sveitarfélaginu, nema sérstaklega sé leiðrétt fyrir það.
  • .13 1601012 Innkaupareglur
    Bæjarráð - 480 Lögð fram drög að nýjum innkaupareglum fyrir Grundarfjarðarbæ. Bæjarstjóri gerði grein fyrir fyrirliggjandi drögum.
    Bæjarráð samþykkir samhljóða að vísa fyrirliggjandi drögum til endanlegrar afgreiðslu í bæjarstjórn.
  • .14 1512017 Jöfnunarsjóður sveitafélaga, skipulagsbreyting
    Bæjarráð - 480 Lagt fram til kynningar
  • .15 1512016 Jöfnunarsjóður sveitarfélaga, uppgjör á rekstrargrunni
    Bæjarráð - 480 Lagt fram til kynningar