Bæjarstjórn

Lagðar fram þær umsóknir sem bárust um starf íþrótta- og tómstundafulltrúa, sem auglýst var 22. mars sl. Umsóknarfrestur rann út 2. apríl sl.



Níu umsóknir bárust.



Vinnvinn ráðningar og ráðgjöf voru fengin til ráðgjafar við úrvinnslu og mat umsókna um starfið. Ráðningarferlið byggði á viðurkenndum aðferðum við mat á umsóknum, viðtölum og raunhæfu verkefni.



Bæjarstjórn hafði skipað tvo bæjarfulltrúa til að taka þátt í ráðningarferli, viðtölum við umsækjendur og mat á umsóknum.



Sex umsækjendum var boðið í viðtöl á grundvelli matsröðunar. Einn þeirra dró umsókn sína til baka í ferlinu. Viðtöl fóru fram fyrir og eftir páska.



Það er bæjarstjórn sem ræður í starf íþrótta- og tómstundafulltrúa á grundvelli 2. gr. Starfsreglna bæjarstjórnar Grundarfjarðarbæjar við ráðningu starfsmanna.

Lögð fram uppsögn frá Láru Lind Jakobsdóttur, sem gegnt hefur starfi forstöðumanns bókasafns og menningarmála.



Einnig lagður fram samningur um starfslok hennar sem miðast við 30. apríl 2025.



Um er að ræða nýtt starf forstöðumanns bókasafns og menningarmála, sem stofnað var til í lok árs 2023 og ráðið í frá 1. mars 2024.