Fréttir & tilkynningar

   Nú er komið að því að fólk þarf að ákveða sig, hvort það ætlar á Landsmótið á Höfn 3.-6. ágúst  (11-18 ára) Pæjumótið á Siglufirði 10.-12. ágúst (6. og 7. fl kv) og Króksmótið á Sauðárkróki 11.-12. ágúst (6. og 7. fl ka). Þeir sem ætla á Unglingalandsmótið þurfa að skrá sig fyrir 16. júlí ætli þeir að fá HSH jakka. Skráning fer fram á hsh@hsh.is Þeir sem ætla á Pæju og Króksmót þurfa að skrá sig fyrir 22.júlí á netfangið eygloj@simnet.is Og þeir sem ætla að panta sér Snæfellsnes galla fyrir þessi mót þurfa að gera það hið fyrsta og í síðasta lagi föstudaginn 13. júlí til að vera öruggir að fá þá fyrir verslunarmannahelgi.  

9. júlí 2007 Síðastliðinn föstudag tók athugull vegfarandi eftir því að ófleygur örn væri við Kolgrafafjörð á Snæfellsnesi. Skilaboðin bárust til Náttúrustofu Vesturlands sem fór að kanna málið. Í fyrstu var óttast að örninn kynni að hafa flogið á háspennulínu sem þarna liggur um, en svo reyndist ekki vera því hann náði að flögra um án þess þó að ná sér fyllilega á flug. Fuglinn var handsamaður og kom þá í ljós að hann var töluvert grútarblautur, líklega eftir viðureign við fýl. Ein kló var brotin og stélið nokkuð laskað, auk þess sem fuglinn var fremur rýr, sem bendir til að hann hafi verið þarna um nokkurn tíma. Án hjálpar mannsins hefði hann trauðla lifað af. Fuglinn var ómerktur en rígfullorðinn ef marka má útlitseinkenni. 

Samkvæmt heimild í 85. gr. umferðarlaga nr. 50/1987 og að fengnum tillögum bæjarstjórnar Grundarfjarðar hefur lögreglustjórinn á Snæfellsnesi birt nýja auglýsingu um umferð í Grundarfirði.    Hér má sjá auglýsinguna í heild.    

Langar þig til að leika, dansa, syngja eða bara vera með?  Í samstarfi við Grundfjarðarbæ verður námskeið á vegum Lóu Oddsdóttur þrisvar í viku dagana 2. til 27 júlí fyrir börn á aldrinum 6 til 14 ára.  Öll börn á þessum aldri eru velkomin og  strákar sérstaklega.  Námskeiðsgjald er 5.000 kr. fyrir hvert barn.  Atriðin verða sýnd á bæjarhátíðinni "Á góðri stund".   Einnig verður haldin sýning þegar líða fer á námskeiðið.  Börnin verða þjálfuð í söng, dans og leiklist.  Markmiðið er að allir fái að njóta sín og efla sjálfstraustið.   Ef einhver getur ekki verið með allan tímann, þá hafið samband og við finnum lausn á því.  Skráning og upplýsingar um námskeiðið er í síma 898-7564 og 438-6771 og ennþá er hægt að skrá sig. Verum sem flest með.  Lóa Odds og co.

85 manns hafa svarað því játandi að þeir myndu vilja græna tunnu en ekki hafa jafn margir pantað tunnu heim ennþá.  Nú er um að gera að drífa í að panta tunnu svo tilskilinn fjöldi náist og að þetta verkefni komist í gang.  Áhugasamnir eru vinsamlegast beðnir um að hafa samband við bæjarskrifstofuna og panta tunnu sem allra fyrst. 

Helgina 14. og 15. Júlí nk. verður ERRÓ-sýning í félagsheimilinu Klifi Ólafsvík í tilefni 75 ára afmælis listamannsins öðru nafni Guðmundar Guðmundssonar, en hann er fæddur í Ólafsvík og erum við ólsarar ákaflega stolt af honum og þykir okkur því við hæfi að heiðra hann með þessum hætti. Lista- og menningarnefnd Snæfellsbæjar stendur fyrir þessari sýningu og hefur fengið Þorbjörgu Gunnarsdóttur til að útfæra sýninguna. Í þetta verkefni fengum við styrk frá Menningarráði Vesturlands og Sparisjóði Ólafsvíkur, auk þess sem Snæfellsbær stendur vel á bak við okkur til að gera okkur þetta kleift.  Þetta er tækifæri sem engin ætti að láta fram hjá sér fara, og einstaklega skemmtilegt að skoða verkin eftir þennan litríka og fjölbreytta listamann í hans fæðingarbæ. Sýningin er opin frá kl. 13-17. Verið velkomin. Kveðja Þórdís Björgvinsdóttir Lista- og menningarnefnd Snæfellsbæjar.  

Dagana 28. júní -11. júlí verður hljómsveitin Narodna Musika á hljómleikaferðalagi um landið. Sveitin er skipuð valinkunnum hljóðfæraleikurum frá Búlgaríu, Svíþjóð og Íslandi. Efnisskráin er samansett af búlgörskum þjóðlögum í eldfjörugum tempóum. Forsprakki verkefnisins er hinn rómaði

Síðasti fundur í bæjarstjórn Grundarfjarðarbæjar fyrir sumarleyfi var haldinn 14. júní sl.  Bæjarstjórnin kemur næst saman til reglulegs fundar í september.  Bæjarráðið heldur fundi eins og þörf verður fyrir á meðan og hefur umboð til endanlegrar afgreiðslu mála á tímabilinu.  Næsti fundur í bæjarráðinu verður á morgun miðvikudaginn 4. júlí kl. 17.00 á bæjarskrifstofunni.  Dagskrá fundarins er birt á heimasíðunni og er hlekkur á hana neðarlega í hægra dálki síðunnar.

Í dag og næstu daga munu götur og bílastæði í Grundarfjarðarbæ verða máluð.  Íbúar og aðrir vegfarendur eru vinsamlegast beðnir um að sýna málurunum tillitssemi við vinnu þeirra.  Vonast er til þess að ekki verði truflun fyrir umferðina á meðan þetta stendur yfir.

Sjávarútvegráðuneytið hefur, með vísan til 2. mgr. 2. gr. reglugerðar nr. 439, 15. maí 2007 um úthlutun byggðakvóta til fiskiskipa á fiskveiðiárinu 2006/2007, samþykkt sérstök skilyrði vegna úthlutunar aflaheimilda í eftirtöldum sveitarfélögum: Grundarfjarðarbæ, Fjarðabyggð, Strandabyggð, Norðurþing, Grímseyjarhrepp, Seyðisfirði og Vopnafjarðarhrepp sbr. meðfylgjandi skjal. Auk byggðakvóta ofangreindra sveitarfélaga sem úthlutað verður samkvæmt sérstökum skilyrðum er hér auglýst úthlutun byggðakvóta sveitarfélagsins Ölfus. Samkvæmt auglýsingu Fiskistofu, sem birtast mun víðar á næstunni, er hægt að sækja um byggðakvóta þessara sveitarfélaga með því að fylla út meðfylgjandi eyðublað og senda til Fiskistofu. Umsóknarfrestur er til 11. júlí nk.    Auglýsing um staðfestingu sérreglna sveitarfélaga um úthlutun byggðakvóta.