Fréttir & tilkynningar

Menningarráð Vesturlands auglýsir fund til þess að kynna menningarstyrki, ræða væntanleg hugðarefni ykkar og huga að verðugum verkefnum fyrir næsta ár á Vesturlandi. Elísabet Haraldsdóttir menningarfulltrúi Vesturlands verður með viðtalstíma mánudaginn 17. september kl. 14.00 - 15.00 á bæjarskrifstofu Grundarfjarðarbæjar og vonast hún til að sjá sem flesta.

    Fyrsta sýning hjá Kveldúlfi verður í Eyrbyggju-Sögumiðstöð í kvöld kl. 20:30.  Myndin sem til umfjöllunar verður í kvöld heitir "The Adventures of Priscilla, Queen of the Desert".   Myndin er áströlsk og er frá árinu 1994.  Aðalleikarar eru Terence Stamp, Hugo Weaving og Guy Pearce.  GEGGJUÐ GRÍNMYND.  Allir velkomnir!!  

Smart Regions developing a Knowledge Economy at the Periphery   Málstofa um atvinnuþróun Landnámssetrinu í Borgarnesi 18. september kl. 10.00-12.00   Fyrirlesari: Calum Davidson Sérfræðingur í þekkingarhagfræði Atvinnuráðgjöf Hálanda og skosku eyjanna  

Bæjarstjóri Grundarfjarðarbæjar hefur sett á blað viðbrögð sín við fréttatilkynningu ríkisstjórnarinnar frá í gær um mótvægisaðgerðir vegna skerðingar á þorskveiðiheimildum.  Hér er hægt að nálgast greinina.

Í gær, miðvikudaginn 12. september, var haldinn blaðamannafundur þar sem fjórir ráðherrar kynntu mótvægisaðgerðir af hálfu ríkisins vegna skerðingar á þorskveiðiheimildum.  Fréttatilkynningin er hér í heild.  Enn er beðið eftir tillögum sem koma eitthvað beint við Grundarfjörð.  Það virðist ekki hafa unnist tími til þess að fara yfir tillögur bæjarstjórnarinnar sem komu inn á mörg hagnýt svið.  Við hljótum að frétta eitthvað meira innan tíðar.  

Samkvæmt samþykkt bæjarráðs Grundarfjarðarbæjar þ. 4. júlí 2007 er hér með auglýst tillaga að deiliskipulagi Framness austan við Nesveg skv. 25. gr. laga nr. 73 / 1997 m.s.br.  Skipulagssvæðið afmarkast af Nesvegi og nýrri götu „Bryggjuvegi”.  Deiliskipulagstillagan nær til lóðanna nr. 4 - 14 við Nesveg.  Skipulagsreitir í tillögunni eru R6 og R9.  Deiliskipulagstillagan felur m.a. í sér breytingar á stærðum lóða og breytingu á blandaðri notkun lóða á skipulagssvæðinu.  Deiliskipulagstillagan er í samræmi við samþykkta landnotkun í aðalskipulagi þéttbýlis Grundarfjarðarbæjar 2003 - 2015.  

Í kvöld, miðvikudaginn 12. september kl. 19.15 byrjar uppeldisnámskeið SOS í sögumiðstöðinni og eru allir sem eiga eða vinna með börnum sem ekki hafa nú þegar sótt námskeiðið hvattir til að mæta. 

83. fundur bæjarstjórnar Grundarfjarðarbæjar verður haldinn í samkomuhúsinu þriðjudaginn 11. september 2007, kl. 16.15 og er öllum opinn.  Sjá dagskrá og fundarboð með því að smella hér.   

Námskeið fyrir konur um stofnun og rekstur fyrirtækja   Impra nýsköpunarmiðstöð gengst nú í níunda sinn fyrir svokölluðum Brautargengisnámskeiðum á landsbyggðinni. Haustið 2007 er áætlað að halda námskeiðið á þremur stöðum á landinu, þ.e. á Patreksfirði, Grundarfirði og Akureyri. Námskeiðin eru skipulögð í samvinnu við sveitarfélög og Atvinnuþróunarfélög á hverjum stað. Alls hafa á sjötta hundrað konur víðs vegar um land lokið Brautargengisnámskeiði frá upphafi.

Rafmagnslaust verður í Sæbóli ,Eyravegi og Sólvöllum frá miðnætti og fram eftir nótt vegna vinnu í spennistöð.  Tilkynning frá RARIK.