Fréttir & tilkynningar

              Útboð Miðgarður, vatns- og rafdreifikerfi.   Hafnarstjórn Grundafjarðarbæjar óskar eftir tilboðum í ofangreind verk.   Helstu verkhlutar: Byggja 14,5 m2 ljósamastur vatnshús og tvær undirstöður fyrir löndunarkrana. Leggja um 250 m af Ø50 mm2 vatnsrörum og 2.200 m af ídráttarrörum Ø35- Ø110 mm í bryggju og uppsetning á vatnsbrunnum og tenglaskápum. Smíði töfluskápa, draga í rafstrengi um 2.300 m af 2,5 – 50 mm2 og ganga frá raflögn og lýsingu á bryggjuna.   Verkinu skal lokið eigi síðar en 10. febrúar 2008. Útboðsgögn verða afhent á skrifstofu Grundarfjarðarbæjar Grundargötu 30, Grundarfirði og skrifstofu Siglingastofnunar, Vesturvör 2, Kópavogi, frá og með miðvikudeginum 26. september gegn 5.000,-kr. greiðslu. Tilboð verða opnuð á sömu stöðum þriðjudaginn 16. október 2007 kl. 11:00.   Hafnarstjórn Grundafjarðarbæjar.  

 Hér má sjá línurit af vindhraða í Grundarfirði síðasta sólahringinn Línuritið er frá kl. 9:00 í gærmorgun til kl. 9:00 í morgun. Sjá má styrk vindhraða og styrk vindhviða.   Tekið að vef Veðurstofu Ísland.

  Það viðraði vel til að taka upp kartöflur í leikskólanum þriðjudaginn 25. september.  En uppskeran er afrakstur að því útsæði sem Kaupþing gaf leikskólanum í vor til að setja niður.

                                      Steinþórsmót 14. ára og yngri Fimmtudaginn 20. september var Steinþórsmót UMFG 14 ára og yngri haldið. Mótið tókst mjög vel og voru það áhugasamir krakkar sem kepptu. Foreldrar voru mjög hjálpsamir og fór allt vel fram. Kaupþing banki er styrktaraðili mótsins og þökkum við honum kærlega fyrir. Hér má sjá fleyri myndir

Verð heima meðan veðrið gengur yfir. Hægt er að hafa samband með tölvupósti eða í síma 438 6797. Sunna. 

SOS námskeiðiðinu sem átti að vera í kvöld er frestað vegna veðurs. 

Geysað hefur ofsaveður í Grundarfirði frá því í nótt.  Ekki eru líkur á því að veðrið gangi niður fyrr en seint á morgun, fimmtudag (milli kl. 17 - 18).  Allir þurfa að huga að húsum, bíkum og lausum munum og koma öllu í skjól sem mögulegt er.  Vindhviður hafa farið í 44 m/s og geta jafnvel orðið verri í nótt og fyrramálið og a.m.k. ekki minni.  Tilfinnanlegt tjón hefur þegar orðið á nokkrum  stöðum á lausum munum, bílum og húsnæði.  

Íþróttahúsið verður lokað í dag vegna veðurs. 

Gunnar Pétur Gunnarsson, slökkviliðsstjóri, er að hefja störf í álverinu á Reyðarfirði eftir fáa daga og verður þ.a.l. ekki lengur við störf fyrir slökkviliðið í Grundarfirði.  Gunnar hefur sagt stöðu sinni lausri sem slökkviliðsstjóri Grundarfjarðar.  Þangað til ráðið hefur verið í stöðu slökkviliðsstjóra, mun Valgeir Þ. Magnússon, varaslökkviliðsstjóri, stjórna slökkviliði Grundarfjarðar.   Gunnari Pétri eru þökkuð góð störf í þágu slökkvliðsins og óskað velfarnaðar á nýjum starfsvettvangi.

Dagana 4. og 5. október verður krabbameinsleit á Heilsugæslunni. Leitað verður að krabbameini í leghálsi og í brjóstum. Allar konur á aldrinum 20-70 ára með lögheimili hér, eiga nú að hafa fengið boðunarbréf í skoðunina. Þær sem ekki hafa fengið bréf er velkomið að hringja í síma 4306800 og panta tíma. Munið að ábyrgð á velferð fjölskyldunnar er ykkar, hvetjum allar konur til að vera með. Skoðunar læknir er Gunda Nygaard. Gæðin á brjóstamyndunum eru þau sömu og í Reykjavík og sömu læknar sem lesa úr þeim ( í Reykjavík).