Fréttir & tilkynningar

 Af heimasíðu Skessuhorns: Ísak Hilmarsson Föstudaginn 21. desember útskrifaði Fjölbrautaskóli Snæfellinga ellefu nemendur  með stúdentspróf, þar af luku 6 nemendur stúdentsprófi á þremur og hálfu ári. Við upphaf útskriftarathafnar fluttu Hólmfríður Friðjónsdóttir, kennari við skólann og Diljá Dagbjartsdóttir, nemandi nokkur jólalög á flygil og þverflautu. Síðar við athöfnina flutti Viktoria Kay, nýstúdent Preludiu í C-major eftir Johan Sebastian Bach á flygilinn. Valgerður Ósk Einarsdóttir dönskukennari kvaddi nýstúdenta fyrir hönd starfsfólks skólans og því næst flutti Ísak Hilmarsson, nýstúdent kveðjuávarp til starfsfólks. Að lokum veitti Guðbjörg Aðalbergsdóttir, skólameistari Birni Ásgeiri Sumarliðasyni viðurkenningu fyrir störf sín á þágu Nemendafélags Fjölbrautaskóla Snæfellinga en hann var fyrsti forseti þess.

Kvenfélagið  Gleym-mér ei í Grundarfirði fagnar í ár 75 ára afmæli félagsins.  Á jólafundi félagsins fimmtudaginn 6. desember sl. afhenti Þorey Jónsdóttir, formaður bæjarráðs Grundarfjarðarbæjar, Mjöll Guðjónsdóttur, formanni kvenfélagsins, viðurkenningarskjal frá bæjarstjórn.  Í skjalinu stendur  „Kvenfélagið Gleym mér ei 1932-2007.  Viðurkenning og þakkir fyrir ómetanleg störf að samfélagslegum málefnum  og fórnfýsi  félagskvenna í þágu samborgaranna í 75 ár.“   Nokkrar myndir frá jólafundinum og afhendingu viðurkenningarskjalsins eru hér

Jólatónleikar Tónlistarskóla Grundarfjarðar voru haldnir sunnudaginn 16. desember sl. í húsnæði Félagsmiðstöðvarinnar Eden.  Tónleikarnir voru afar vel sóttir og var húsið yfirfullt.  Nemendur og kennarar tónlistarskólans léku margvísleg lög fyrir gesti  við góðar undirtektir í huggulegri stemmingu yfir súkkulaðibolla og smákökum.   Nokkrar myndir frá tónleikunum má nálgast hér. 

Starfsfólk leikskólans Sólvalla afþakkaði jólagjöf frá Grundarfjarðarbæ en mun í staðinn gefa andvirði gjafanna til góðs málefnis.  

Sorphirðudagar eru eftirfarandi um jól og áramót og í janúar 2008:   Hreinsað verður fimmtudagana 20. og 27. desember 2007. Hreinsað verður fimmtudaginn 3. janúar, mánudaginn 14. janúar og fimmtudaginn 24. janúar 2008.   Sorphirðudagatal fyrir árið 2008 í heild verður sett inn á heimasíðuna þegar verktakinn hefur lokið við að skipuleggja þá.

 Á bæjarstjórnarfundi í gær, 18. desember var samþykkt eftirfarandi ályktun sem kallar eftir tafarlausum aðgerðum ríkisstjórnarinnar vegna skerðingar þorskveiðikvótans:   “Bæjarstjórn Grundarfjarðar kallar eftir tafarlausum aðgerðum ríkisstjórnarinnar til að bæta fjárhagsstöðu Grundarfjarðarbæjar sem sér fram á tekjumissi vegna ákvörðunar um að skerða þorskveiðar um þriðjung. Í mörg ár hafa fulltrúar sveitarfélaga rætt um að þau þyrftu meira fé til að framfylgja skyldum og verkefnum sínum í nútíma samfélagi.  Allra síðustu ár hefur komið enn skýrar í ljós mikill aðstöðumunur sveitarfélaga á landsbyggðinni samanborið við sveitarfélög á höfuðborgarsvæðinu. Sérstök framlög úr Jöfnunarsjóði duga skammt til að leiðrétta þetta ójafnvægi. Ríkið stendur ekki við sínar skuldbindingar t.d. um að greiða 60% í uppbyggingu framhaldsskóla og umframkostnaður lendir á sveitarfélögum.  

87. fundur bæjarstjórnar Grundarfjarðarbæjar verður haldinn í samkomuhúsinu þriðjudaginn 18. desember 2007, kl. 16.15 og er öllum opinn.  Sjá dagskrá og fundarboð með því að smella hér.   

 Þeir sem fengið hafa húsaleigubætur á árinu 2007 þurfa að sækja um á ný í janúar 2008 ef þeir hyggjast fá húsaleigubætur áfram á næsta ári.  Umsóknareyðublöð er hægt að nálgast á heimasíðu Grundarfjarðarbæjar og á skrifstofu bæjarins á opnunartíma sem er kl. 09.30 - 15.30 mánudaga til fimmtudaga og kl. 09.30 - 14.00 á föstudögum.

Frétt á vef Skessuhorns: Reykofninn í Kópavogi og Fisk hafa nýverið fest kaup á Hjalteyri EA 310 sem er 77,9 tonn að stærð. Eigandi að Hjalteyrinni var samnefnt útgerðafélag á Akureyri. Báturinn var smíðaður á Seyðisfirði árið 1974, þilfar var hækkað árið 1988 og hefur báturinn verið lengdur tvisvar sinnum, fyrst árið 1995 og svo aftur árið 1997. Hjalteyrin mun fá nafnið Hannes Andrésson SH og skipstjóri verður Bergur Garðarsson. Verður farið með bátinn í slipp í Njarðvík næstu daga þar sem hann veriður málaður og smálagfæringar fara fram. Síðan verður báturinn gerður klár á veiðar frá Grundarfirði en þangað mun hann koma  eftir áramót.   Hannes verður gerður út á ígulkerjaveiðar til að byrja með en síðan verður farið að huga að sæbjúgnaveiðum.  

Jólatrjáasala Lionsklúbbs Grundarfjarðar mun ekki vera opin í dag, en opið verður laugardag og sunnudag. Upplýsingar í síma 8254481