1.  

Styrkumsóknir til SSV - 1801044

Menningar- og markaðsfulltrúi kynnir þær umsóknir sem sendar voru til Uppbyggingarsjóðs Vesturlands.

Varðandi fræðslu- og upplýsingaskilti þá kallar menningarnefnd eftir því að fá upplýsingar um stöðu verkefnisins í mars þar sem áætluð verklok eru um miðjan maí.

2.  

Ljósmyndasamkeppni Grundarfjarðar 2018 - 1801045

Metþátttaka var í Ljósmyndasamkeppni Grundarfjarðar árið 2017 en þá var þemað "veður".
Ræddar ýmsar hugmyndir að þema fyrir árið 2018 og var ákveðið að hafa það "fuglar og dýr".

3.  

Rökkurdagar 2018 - 1801046

Ákveðið að hinir árlegu Rökkurdagar verði haldnir í kringum tímabilið 10.-20. október.

4.  

Stefnumótun um menningarhús Grundarfjarðar - 1801047

Bæjarstjórn kallaði eftir stefnumótun menningarnefndar um framtíð og hlutverk menningarhúsa bæjarins. Menningarnefnd mun kynna sér málin nánar og gera tillögu að stefnu.

5.  

Sögumiðstöðin - 1801048

Farið yfir samning Grundarfjarðarbæjar og Svansskála sem rekur Kaffi Emil í Sögumiðstöðinni. Nefndin vill að Sögumiðstöðin nýtist betur fyrir fólkið í bænum eins og verið hefur í gegnum tíðina og lagt var upp með í samningi. Endurskoða þarf samninginn og hyggst nefndin boða rekstraraðila á sinn fund til að fara yfir stöðu mála.