Prentað fimmtudaginn 14. nóvember kl. 11:20 af www.grundarfjordur.is

Borgarbraut 16, 350 Grundarfjörður | kt.: 520169-1729 | Sími: 438 6630 | Fax: 430 8501 | Netfang: grundarfjordur@grundarfjordur.is

17. apríl 2019 14:05

Fréttir af ungmennaráði Grundarfjarðarbæjar

Ungmennaráð Grundarfjarðarbæjar hélt bingó til styrktar Dvalarheimilinu Fellaskjóli þann 3. apríl sl. en fulltrúar ungmennaráðs söfnuðu glæsilegum vinningum. Þátttaka var mjög góð og söfnuðust um 100.000 kr. sem ungmennaráð mun afhenda stjórnendum heimilisins mjög fljótlega.

 

Dagana 11.-12. apríl sátu svo þrír fulltrúar ungmennaráðs Grundarfjarðarbæjar, þær Elva Björk Jónsdóttir, Tanja Lilja Jónsdóttir og Alma Jenný Arnarsdóttir ráðstefnuna Ungt fólk og lýðræði sem haldin var af Ungmennafélagi Íslands í Borgarnesi. Þeim til aðstoðar var Heiður Björk Fossberg Óladóttir, bæjarfulltrúi og tengiliður ungmennaráðs.

 

Á ráðstefnuna komu ungmenni víða að á landinu, en frá Vesturlandi voru mættir fulltrúar frá ungmennaráðumGrundarfjarðarbæjar, Borgarbyggðar og Akraness.

 

Dagskráin var fjölbreytt og gafst þátttakendum tækifæri til að hitta og tala við ferðamála-, iðnaðar- og nýsköpunarráðherra og starfandi dómsmálaráðherra Þórdísi Kolbrúnu Reykfjörð Gylfadóttur ásamt mennta- og menningarmálaráðherra Lilju Alfreðsdóttur.


Áhrifavaldarnir Erna Kristín og Fanney Dóra voru með erindi um jákvæða líkamsímynd, Jón Halldórsson frá KVAN hélt fyrirlestur um leiðtogahæfni. Auk þess voru Unnur Arna Jónsdóttir og Hrafnhildur Sigurðardóttir frá Hugarfrelsi með fyrirlestur um hvernig má auka vellíðan.

Okkar fulltrúar voru mjög ánægðir með að hafa tekið þátt og verður lærdómurinn af ráðstefnunni ræddur í ungmennaráði á næstunni.

 

 

 

 

 

 


Til baka



SENDA ÞESSA FRÉTT Í TÖLVUPÓSTI

Netföng viðtakenda:


  

Skilaboð

Hvað er 2+3?

Nafn sendanda:


yfirlit frétta