Kvenfélagið Gleym mér ei
Eyrarsveit
Fréttir
Starfsemi
Félagar eru yfirleitt um 50 og hittast á jólafundi og aðalfundi eftir áramót. Þá er boðið upp á kynningu eða fræðslu af einhverju tagi. Starfið fer aðallega fram í vinnunefndum sem taka að sér sitt verkefnið hver. Starf í kvenfélagi eða öðrum félögum er tilvalin leið fyrir nýaðflutt fólk til að kynnast íbúunum.
Jólafundur er skemmtifundur með góðum mat eða veislukaffi og gamanefni ýmis konar. Þá er hægt að bjóða með sér gestum og er það góð leið til að kynnast starfinu og félagskonum.
Aðrar skemmtanir eru eftir ástæðum hverju sinni og sum árin er farið í orlof eina helgi og menningarlífið á viðkomandi svæði skoðað.
Nýjar félagskonur eru alltaf velkomnar.
Fjáraflanir
Kvenfélagið stendur fyrir fjáröflunum til styrktar góðum málefnum í Grundarfirði.
Þær helstu eru:
Sjómannadagskaffi
Kökubasar á 17. júní
Kakó- og vöfflusala á hátíðinni „Á góðri stund“
Fjölskyldudagurinn, laugardag fyrir fyrsta sunnudag í aðventu.
Erfidrykkjur
Styrkir
Málefni sem hafa notið stuðnings kvenfélagskvenna eru meðal annarra:
Leiktæki í Leikskólanum Sólvöllum og Grunnskóla Grundarfjarðar
Saumavélar í Grunnskóla Grundarfjarðar
Stillanlegt rúm fyrir Dvalarheimilið Fellaskjól
Fermingarkirtlar fyrir Grundarfjarðarkirkju
Fjárstuðningur við búnað kirkjunnar
Styrkir til fjölskyldna sjúklinga
Styrkur til skammtímavistunar á Gufuskálum
Lækningatæki
Stjórn Kvenfélagsins:
Mjöll Guðjónsdóttir, formaður
sími: 898 2702
mjoll(hjá)sc.is
Bryndís Theodórsdóttir, ritari
sími: 438-6788 / 862 1355
bryndis(hjá)grundarfjordur.is
Sólrún Guðjónsdóttir, gjaldkeri
sími: 849 1015
solrun(hjá)fsn.is
Varastjórn:
Arna Mjöll Karlsdóttir
Eygló Jónsdóttir
Helga María Jóhannesdóttir
Fulltrúi í stjórn Dvalarheimilisins Fellaskjóls: Sigríður Diljá Guðmundsdóttir
Fulltrúi í stjórn Minningastsjóðs Dvalarheimilisins Fellaskjóls: Sigríður Diljá Guðmundsdóttir
Kvenfélagasamband Íslands
Meðal efnis:
Svæðasambönd
Kvenfélög
Húsfreyjan
Hugmyndabanki
Handverk
Leiðbeiningastöð heimilanna
Tenglar
Ágrip af sögu Kvenfélagsins Gleym mér ei í tilefni af 75 ára afmæli félagsins þann 10. júní 2007.
Kvenfélagið Gleym mér ei var stofnað sunnudaginn 10. júlí 1932 í Þinghúsinu að Grund. Stofnendur voru 17 að tölu. Félagið stóð fyrir jólatrésskemmtunum fyrir börn, gekkst fyrir starfrækslu matjurtagarða og hélt saumanámskeið til að efla heimilisiðnað. Félagið keypti spunavél sem staðsett var á Grund fyrstu árin en var á Hömrum eftir að nýja húsið reis.
Kvenfélagið gekkst fyrir því að styðja barnmörg og fátæk heimili og upp úr því var stofnaður Líknarsjóður sem veitti bæði peningagjafir en keypti einnig ýmis tæki og lyf til útláns eða sölu eftir aðstæðum.
Kirkju- og safnaðarmál voru félagskonum hugleikin. Keypt var orgel fyrir safnaðarstarfið í Grafarnesi, hökull og fermingarkirtlar fyrir Setbergskirkju og átti félagið stóran þátt í byggingu og búnaði Grundarfjarðarkirkju sem vígð var 1966.
Fyrstu árin var reynt að fara í skemmtiferðir á 10 ára fresti.
Námskeið og kynnisferðir, árshátíðir og Góugleði, Sjómannadagskaffi og Basardagurinn eru áberandi póstar í starfi félagsins.
Ýmis ráð hafa verið notuð til að afla fjár til styrktar góðum málefnum:
Sala minningarkorta, útgáfa á Minni Eyrarsveitar, kökubasar, umsjón með erfidrykkjum, kirkjukaffi og jólakortasala.
Og Kvenfélagið hefur víða látið muna um sig á seinni árum: Leiktæki í Leikskólann Sólvöllum og Grunnskóla Grundarfjarðar, Saumavélar í grunnskólann, stillanlegt rúm fyrir Dvalarheimilið Fellaskjól, styrkur til skammtímavistunar á Gufuskálum og lækningatæki.
Ábyrgðarmaður: Sunna Njálsdóttir
|
Prenta síðu
