Í dag

• 7. des. 2019
  UMFG - BF

---

Framundan

• 8. des. 2019
  Mfl. kk í körfu
• 8. des. 2019
  Aðalfundur Golfklúbbsins Vestarr
• 15. des. 2019
  Tónleikar Eyþór Ingi

31. janúar 2019 18:07

Álagning fasteignagjalda 2019

Álagningu fasteignagjalda ársins 2019 er nú lokið.

Í ár er gerð sú breyting að ekki eru lengur sendir útprentaðir álagningarseðlar í pósti. Eins og verið hefur síðustu ár birtast álagningarseðlar á vefgátt Þjóðskrár www.island.is  og geta gjaldendur komist þar inná sínar síður með Íslykli eða öðrum rafrænum skilríkjum. Greiðsluseðlar eru sendir rafrænt í heimabanka gjaldenda.

Eldri borgarar og fyrirtæki fá þó senda álagningarseðla og greiðsluseðla í pósti, nema þeir afþakki það. Óski aðrir eigendur fasteigna eftir því að fá sendan álagningarseðil má hafa samband við bæjarskrifstofu Grundarfjarðarbæjar í síma 430-8500 eða senda tölvupóst á netfangið grundarfjordur@grundarfjordur.is

Gjalddagar eru tíu eins og var í fyrra. Greiða má í heimabanka, en eins og áður má einnig greiða fasteignagjöld með kreditkorti. Fyrsti gjalddagi er 1. febrúar og eindagi 30 dögum síðar. Vatnsgjald er innheimt af Veitum ohf. (dótturfélagi Orkuveitu Reykjavíkur). Fyrirspurnum um vatnsgjald ber að beina til Veitna í síma 516 6000 eða með tölvupósti á netfangið veitur@veitur.is

Afsláttur fasteignaskatts til eldri borgara og öryrkja er reiknaður er veittur í samræmi við reglur sem bæjarstjórn Grundarfjarðarbæjar hefur sett. Afsláttur reiknast sjálfvirkt út frá upplýsingum Ríkisskattstjóra út frá tekjum ársins 2017, skv. skattframtali 2018.   Heildarálagning að fjárhæð 25.000 kr. og lægri kemur óskipt til greiðslu 1. maí.   Um álagninguna má lesa nánar hér á vefsíðu Grundarfjarðarbæjar. Auk þess eru upplýsingar veittar á bæjarskrifstofunni í síma 430 8500 á opnunartíma, eins og fyrr segir, og einnig má senda fyrirspurn á netfangið grundarfjordur@grundarfjordur.is

Til baka

yfirlit frétta