Leita
Stærsta letur
Miðstærð leturs
Minnsta letur
Mánudagur 18. nóvember 14:15
  Général 
   
 
Á döfinni
SMÞMFFL
272829303112
3456789
10111213141516
17181920212223
24252627282930
1234567

Framundan

Skrá atburði, smelltu hér
Fundargerðir
11.nóvember 2019
93. fundur íþrótta- og æskulýðsnefndar
30.október 2019
538. fundur bæjarráðs
24.október 2019
204. fundur skipulags- og umhverfisnefndar
22.október 2019
537. fundur bæjarráðs
Fréttir - Nýlegt safn
Stjórnsýsla - fréttir  Prenta síðu
23. júlí 2004 11:43

Sögumiðstöð – Brana SH - Íslands þúsund ár

Í dag kl. 18 verður með lítilli athöfn í Sögumiðstöð opnuð sýning sem ber yfirskriftina Sjósókn fyrri tíma.

 

Brana SH 20

Gestum mun nú í fyrsta sinn gefast kostur á að skoða bát Snorra Elíssonar frá Vatnabúðum í Eyrarsveit, sem nú hefur verið endurgerður sem sýningargripur. Báturinn, Brana SH 20, var byggður árið 1913 sem árabátur fyrir föður Snorra, Elís Gíslason. Árið 1930 var sett í hann vél, 3ja hestafla vél af gerðinni Sleipnir. Sú vél mun hafa verið í bátnum fram til 1950 er sett var í hann 4,5 hestafla vél, af sömu gerð. Sú vél hefur nú verið gerð upp og er komin aftur í Brönuna.    

 

Eftir að Snorri dó og Elís Gunnarsson, systursonur Snorra, keypti Vatnabúðir, var Branan varðveitt á Vatnabúðum, eða þar til að báturinn var sýndur á hátíðinni „Á góðri stund“ árið 2002, þá óuppgerður. Síðan hefur báturinn verið í vörslu Sögumiðstöðvar og hefur nú, eins og fyrr segir, fengið sitt upprunalega útlit.

 

Það voru Ingi Hans Jónsson og Þ. Jökull Elísson, starfsmenn Sögumiðstöðvar, sem gerðu upp Brönuna. Þess má geta að Jökull er langafabarn Elísar gamla á Vatnabúðum.

 

Snorri sjálfur átti ekki börn, en systkini hans voru átta og frá þeim kominn mikill fjöldi afkomenda sem bjó/býr í Eyrarsveit. Þau (börn þeirra Elísar Gíslasonar og Vilborgar Jónsdóttur) eru nú öll látin en voru, í aldursröð, Guðjón, Gísli Karel, Guðrún Guðný, Lilja (barn, f. og d. 1902), Snorri sjálfur, Þórður, Lilja, Helga og Kristberg.

 

Íslands þúsund ár

Á sýningunni í Sögumiðstöð verður jafnframt sýnd kvikmyndin Íslands þúsund ár, eftir Erlend Sveinsson, en hún lýsir degi í lífi árabátamanna. Myndin er tekin í Bolungarvík, m.a. í og við Ósvör.

 

Sögumiðstöðin verður opin frá 10-19 laugardag og sunnudag. Sýning kvikmyndarinnar Íslands þúsund ár verður endurtekin báða dagana, sjá nánar í dagskrá hátíðarinnar.

 

Til fróðleiks     

Þess var minnst í nóvember árið 2002 að hundrað ár voru liðin frá fyrstu ferð ísfirska bátsins Stanleys með vélarafli. Það er talið marka upphaf vélbátaútgerðar á Íslandi þegar „olíuhreyfivjel“ af gerðinni Møllerup var sett í Stanley.

Sjá nánar um það umfjöllun á vef Bæjarins besta, með því að ýta hér.

 

 


Til baka


yfirlit frétta

Áskrift að fréttum
 
Fréttasafn
Flýtileiðir

 

          

 

 Bæjargátt

 

Heilsuefling

 

Persónuverndarfulltrúi

  

 

 

 Senda fyrirspurn 

  

Höfnin

 

 Vefmyndavél

 

Skemmtiferðaskip

 

Gjaldskrár

  

Svæðisgarður

 

Endurskoðun aðalskipulags

 

Sorphirðudagatal

 

Opnunartími  gámastöðvar

 

Forgangsröð við snjómokstur 2016-2017.

 

 

  

 

 

 

 
Grundarfjarðarbær Borgarbraut 16, 350 Grundarfirði | kt.: 520169-1729
Sími: 430 8500 | Netfang: grundarfjordur@grundarfjordur.is
Opið alla virka daga kl. 10-14.
Fyrirspurnir | Veftré | Leit