1.

Skerðingsstaðir: Deiliskipulag - 1803056

Lögð fram til afgreiðslu skipulagslýsing vegna deiliskipulags fyrir Skerðingsstaði, unnin af Zeppelin Arkitektum að ósk landeigenda sem áður hafði verið veitt leyfi til að vinna að gerð deiliskipulags skv. 2. mgr. 38. gr skipulagslaga.

Skipulags- og umhverfisnefnd samþykkir að skipulagslýsing verði sett í kynningu skv. 40. gr. skipulagslaga nr. 123/2010.

2.

Fellabrekka 11-13 - Umsókn um lóð - 1809029

Páll Mar Magnússon og Örn Beck Eiríksson sækja um lóðina Fellabrekku 11-13.

Skipulags- og umhverfisvernd samþykkir erindið og felur embætti skipulags- og byggingarfulltrúa að veita umsækjendum lóðirnar að Fellabrekku 11-13.

3.

Hrannarstígur - Framkvæmdarleyfi - 1810027

Sótt er um framkvæmdarleyfi á Hrannarstíg 1.

Skipulags- og umhverfisnefnd frestar erindinu og óskar eftir frekari gögnum.

Helena María Jónsdóttir Stolzenwald vék af fundi undir þessum lið.

4.

Kirkjufellsfoss, hönnun - 1806035

Sótt er um f.h. Grundarfjarðarbæjar framkvæmdaleyfi vegna gerð nýrra bílastæða ásamt fleiru við áningarstaðinn við Kirkjufellsfoss, sbr. hönnun Þráins Haukssonar hjá Landslagi í tillögu samþykktri af bæjarráði í júlí 2018.

Skipulags- og umhverfisvernd samþykkir erindið og felur embætti skipulags- og byggingarfulltrúa að gefa út framkvæmdarleyfi vegna þessa áfanga.

5.

Hamrahlíð - botnlangi. - 1809034

Lögð er fram ósk íbúa í Hamrahlíð um að götunni verði lokað austan megin og hún gerð að botnlangagötu.

Skipulags- og umhverfisnefnd er mótfallin því að gera Hamrahlíð að botnlangagötu.

Nefndin telur að leysa þurfi umferðarmál með öðrum hætti en með lokun götunnar og bendir á að í vinnslutillögu aðalskipulags er að hluta til að finna áform um úrbætur vegna umferðar og lagningar stórra bíla.